Antirrhinum - Ljónsmunnar
Antirrhinum, ljónsmunnar, er ættkvísl sem áður tilheyrði grímublómaætt, Scrophulariaceae, en hefu nú verið flutt í græðisúruætt, Plantaginaceae. Þetta eru fjölærar plöntur í heimkynnum sínum í S-Evrópu, N-Afríku og N-Ameríku, þar sem þær vaxa í sólbökuðum, grýttum jarðvegi. Á norðlægari slóðum er fjöldi yrkja af ljónsmunna ræktuð sem sumarblóm.
-
Antirrhinum majus - ljónsmunnur
Calendula - Morgunfrúr, gullfíflar
Calendula, Morgunfrúr, er ættkvísl um 15-20 einærra og fjölærra plantna í körfublómaætt, Asteraceae, með heimkynni í SV-Asíu og á Miðjarðarhafssvæðinu. Þær hafa verið nýttar sem lækninga- og kryddjurtir.
-
Calendula officinalis - morgunfrú
Chrysanthemum - Prestafíflar (I)
Chrysanthemum, prestafíflar, er ættkvísl í körfublómaætt, Asteraceae, sem tekið hefur miklum breytingum á undanförnum árum og hefur verið skipt niður í fjölda ættkvísla. Ismelia er ein þeirra, en eina tegund þeirrar ættkvíslar er friggjarbrá sem áður tilheyrði Chrysanthemum ættkvíslinni.
-
Chrysanthemum carinatum (nú Ismelia carinata)- friggjarbrá
Convolvulus - Vafklukkur
Convolvulus, vafklukkur, er stór ættkvísl 200-250 tegunda í vafklukkuætt, Convolvulaceae, með útbreiðslusvæði um allan heim. Þetta eru einærar eða fjölærar vafningsplöntu.
-
Convolvulus tricolor - skrautvafklukka (þrenningarklukka)
Cosmos - Brúðarstjörnur
Cosmos, brúðarstjörnur, er ættkvísl um 36 tegunda í körfublómaætt, Asteraceae, sem eiga heimkynni í N-Ameríku, flestar í Mexíkó. Nokkrar eru ræktaðar sem sumarblóm.
-
Cosmos bipinnatus - brúðarstjarna
-
Cosmos sulphureus
Crepis - Skeggfíflar
Crepis, skeggfíflar, er ættkvísl um 200 tegunda í körfublómaætt, Asteraceae, með útbreiðslu víða um norðurhvelið. Ein tegund er ræktuð sem sumarblóm.
Cynoglossum - Hundatungur
Cynoglossum, hundatungur, er ættkvísl í munablómaætt, Boraginaceae, með útbreiðslu víða um heim.
Dianthus - Drottningablóm
Drottningablóm, Dianthus, er nokkuð stór ættkvísl fjölærra jurta í hjartagrasaætt, Caryophyllaceae, sem margar eru fallegar garðplöntur og er fjallað um þær með fjölærum plöntum. Fjölmörg yrki kínadrottningar eru ræktuð sem sumarblóm.
-
Dianthus chinensis - kínadrottning
Diascia - Borgardís
Diascia er ættkvísl um 70 tegunda í grímublómaætt, Scrophulariaceae, sem flestar eiga heimkynni í S-Afríku.
-
Diascia - Borgardís
Dorotheanthus - Hádegisblóm
Hádegisblóm, Dorotheanthus, er lítil ættkvísl í hádegisblómaætt, Aizoaceae, upprunnin í S-Afríku. Þetta eru einærar plöntur, með þykkt lauf og litrík blóm sem opnast í sól. Þau þrífast best í vel framræstum jarðvegi á sólríkum stað. Hádegisblóm tilheyrðu áður ættkvíslinni Mesembryanthemum og eru fræsortir af þeim oft seldar undir því heiti.
-
Dorotheanthus bellidiformis (Mesembryanthemum criniflorum) - Hádegisblóm
Erysimum - Aronsvendir
Aronsvendir, Erysimum, er ættkvísl um 180 einærra og fjölærra tegunda í krossblómaætt, Brassicaceae. Fjölærar tegundir eru almennt skammlífar og yfirleitt ræktaðar sem tvíærar plöntur í görðum. Margar tegundir vaxa í þurrum, sólbökuðum jarðvegi.
-
Erysimum cheiri - gulltoppur
Eschscholzia - Gullbrúður
Um 12 tegundir einærra og fjölærra jurta tilheyra ættkvíslinni Eschscholzia, gullbrúðum, í draumsóleyjaætt, Papaveraceae. Flestar eiga heimkynni í suðvestanverðri N-Ameríku þar sem þær vaxa í þurrum jarðvegi og þrífast því best á sólríkum stöðum.
-
Eschoscholzia californica - gullbrúða
Godetia/Clarkia - Meyjablómi
Ættkvíslin Godetia, meyjablómar, hefur verið innlimuð í ættkvíslina Clarkia í Onagraceae. Nær allar tegundir ættkvíslarinnar eiga heimkynni í N-Ameríku.
-
Clarkia amoena - Meyjablómi (áður Godetia)
Helianthus - Sólblóm
Ættkvíslin Helianthus, sólblóm, tilheyrir körfublómaætt, Asteraceae. Um 70 tegundir tilheyra ættkvíslinni sem allar eiga heimkynni í N- og S-Ameríku. Fjölærar tegundir sólblóma eru ekki vinsælar garðplöntur þar sem þær hafa tilhneigingu til að vera full duglegar að dreifa úr sér.
-
Helianthus anuus - sólblóm
-
'Autumn Beauty'
-
Xerochrysum
Xerochrysum er lítil ættkvísl 7 tegunda sem áður tilheyrðu ættkvíslinni Helichrysum í körfublómaætt, Asteraceae. Þær eiga allar heimkynni í Ástralíu. Einkenni ættkvíslarinnar eru fagurlitar, pappírskenndar körfureifarnar sem eru meira áberandi en blómin sjálf.
-
Xerochyrsum bracteatum - eilífðarfífill
Heliotropium
Heliotropium er ættkvísl um 250-300 tegunda í munablómaætt, Boraginaceae. Margar tegundir ættkvíslarinnar eru eitraðar.
-
Heliotropium arboresecens - vanillublóm
Lathyrus - Villiertur
Villiertur, Lathyrus, er ættkvísl í ertublómaætt, Fabaceae, með heimkynni á tempruðum svæðum. Ein tegund, ilmertur, er vinsælt sumarblóm og er mikill fjöldi yrkja í ræktun.
-
Lathyrus odoratus - ilmertur
Lavatera - Aftanroðablóm
Aftanroðablóm, Lavatera, er ættkvísl um 25 tegunda í stokkrósarætt, Malvaceae, með heimkynni við Miðjarðarhaf, í A-Asíu, N-Ameríku og Ástralíu.
-
Lavatera trimestris - aftanroðablóm
Limnanthes - Fenjablóm
Eggjablóm, Limnanthes, er ættkvísl 7 tegunda í fenjablómaætt, Limnanthaceae, sem allar eiga heimkynni á vesturströnd N-Ameríku. Þetta eru einærar plöntur sem vaxa í árstíðarbundnu votlendi.
Linanthus/Leptosiphon - Dvergaugu
Dvergaugu, Linanthus, er ættkvísl einærra og fjölærra plantna í jakobsstigaætt, Polemoniaceae, með útbreiðslusvæði í vestanverðri N-Ameríku og Chile. Ættkvíslinni hefur nýlega verið skipt upp og er nú rúmlega helmingur þeirra tegunda sem tilheyrðu Linanthus ættkvíslinni flokkaðar í ættkvíslina Leptosiphon.
Linaria - Dýragin
Dýragin, Linaria, er ættkvísl um 150 tegunda einærra og fjölærra plantna sem tilheyrðu áður grímublómaætt, en hafa nú verið fluttar í græðisúruætt, Plantaginaceae. Útbreiðslusvæði ættkvíslarinnar er tempruð svæði í Evrópu, Asíu og N-Afríku með mestan tegundafjölda á Miðjarðarhafssvæðinu.
-
Linaria - þorskagin
Lobelia - Brúðaraugu
Lobelia, brúðaraugu, er stór ættkvísl um 400 tegunda í bláklukkuætt, Campanulaceae. Útbreiðslusvæði ættkvíslarinnar er víða um hitabeltið og heittempruð svæði. Ein tegund er vinsælt sumarblóm hér á landi.
-
Lobelia erinus - brúðarauga
-
'White Fountain'
Matthiola - Skúfjurtir
Skúfjurtir, Matthiola, er ættkvísl um 50 tegunda einærra og fjölærra plantna í krossblómaætt, Brassicaceae. Margar þeirra eru ræktaðar vegna mikið ilmandi blóma. Ein, ilmskúfur, er ræktuð hér sem sumarblóm.
-
Matthiola incana - ilmskúfur
Erythranthe - Apablóm
áður Mimulus - Trúðablóm
Flestar tegundir sem tilheyrðu ættkvíslinni Mimulus hafa verið fluttar í ættkvíslina Erythranthe og ekki nóg með það heldur hafa þessar ættkvíslir báðar verið fluttar í apablómaætt, Phrymaceae, en þær voru áður flokkaðar í grímublómaætt, Scrophulariaceae. Flestar tegundir ættkvíslarinnar vaxa í rökum jarðvegi og þola því ekki mikinn þurrk.
-
Erhythranthe x hybrida (áður Mimulus) - trúðablóm
Nemesia - Fiðrildablóm
Fiðrildablóm, Nemesia, er ættkvísl einærra og fjölærra jurta og hálfrunna í grímubómaætt, Scrophulariaceae sem vaxa á sendnum ströndum S-Afríku.
-
Nemesia strumosa - fiðrildablóm
-
Nemesia versicolor - bláfiðrildablóm
Nemophila - Vinablóm
Vinablóm, Nemophila, er ættkvísl einærra, vorblómstrandi jurta í munablómaætt, Boraginaceae, sem allar eiga heimkynni í N-Ameríku, flestar í vestanverðum Bandaríkjunum.
Nicotiana - Tóbaksjurtir
Nicotiana, tobaksjurtir, er ættkvísl 67 tegunda í kartöfluætt, Solanaceae, sem eiga heimkynni í Ameríku, Ástralíu, SV-Afríku og S-Kyrrahafi. Tóbaksjurtin, N. tabacum, er ræktuð víða til tóbaksframleiðslu og nokkrar tegundir og blendingar eru ræktaðar sem skrautjurtir.
-
Nicotiana x sanderae - blómatóbak
Nigella
Nigella er ættkvísl 18 einærra tegunda í sóleyjaætt, Ranunculaceae sem eiga heimkynni í S-Evrópu, N-Afríku og SV-Asíu.
-
Nigella damascena - skrautfrú
Osteospermum - Sólboði
Sólboðar, Osteospermum, er ættkvísl um 50 tegunda í körfublómaætt, Asteraceae, með heimkynni í Afríku og suðvestanverðum Arabíuskaga. Fjölmörg yrki eru vinsælar garðplöntur, ræktaðar sem sumarblóm.
-
Osteospermum - sólboði
Papaver - Draumsóleyjar
Draumsóleyjar, Papaver, er ættkvísl um 100 tegunda í draumsóleyjaætt, Papaveraceae, sem vaxa víða í Evrasíu og nokkrar í N-Ameríku. Þetta eru sólelskar, þurrkþolnar plöntur með djúpa stólparót.
-
Papaver somniferum - draumsól
Pelargonium - Pelargóníur, mánabrúðir
Pelargonium, pelargóníur, er stór ættkvísl um 200 tegunda í blágresisætt, Geraniaceae. Þetta eru sígrænir fjölæringar eða hálfrunnar með heimkynni á tempruðum svæðum og í hitabeltinu, með mikinn tegundafjölda í sunnanverðri Afríku. Þær þola bæði þurrk og hita, en afar lítið frost og eru því ræktaðar sem sumarblóm. Það er þó auðveldlega hægt að rækta þær sem stofublóm yfir vetrarmánuðina og halda þeim þannig fjölærum.
-
Pelargonium x hortorum - pelargónía, mánabrúður
-
'Horizon Pink Ice'
-
-
Pelargonium peltatum - hengipelargónía
-
'Summer Showers Burgundy'
-
Petunia - Tóbakshorn
Petunia, tóbakshorn, er ættkísl um 35 tegunda í kartöfluætt, Solancaceae, sem allar eiga heimkynni í S-Ameríku. Þær plöntur sem ræktaðar eru í görðum eru yfirleitt blendingar sem eru ræktaðir sem sumarblóm.
-
Petunia x hybr. - tóbakshorn
Phlox - Ljómar
Ljómar, Phlox, er ættkvísl í jakobsstigaætt, Polemoniaceae. Allar tegundir utan ein vaxa í N-Ameríku við mjög breytilegar aðstæður. Sumarljómi er vinsælt sumarblóm og fjöldi yrkja í ræktun.
-
Phlox drummondii - sumarljómi
Rudbeckia - Hattar
Rudbeckia, hattar, er ættkvísl 25 tegunda í körfublómaætt, Asteraceae, sem allar eiga heimkynni í N-Ameríku. Flestar eru fjölærar en einnig eru nokkrar einærar tegundir í ættkvíslinni. Einkenni ættkvíslarinnar er gular eða rauðgular tungukrónur með brúnum pípukrónum í miðju. Sumarhattur er einær tegund ræktuð sem sumarblóm.
-
Rudbeckia hirta - sumarhattur
Salvia - Lyfjablóm, salvíur
Lyfjablóm, Salvia, er stærsta ættkvísl varablómaættar, Lamiaceae, með um 1000 tegundum sem vaxa í Evrasíu og Ameríku. Tegundir ættkvíslarinnar skiptast á þrjú útbreiðslusvæði, Mið- og S-Ameríku, Mið-Asíu og Miðjarðarhafssvæðið og austanverða Asíu. Flestar tegundir eru of hitakærar fyrir íslenskt veðurfar en ein hefur svolítið verið ræktuð sem sumarblóm
-
Salvia splendens - glæsisalvía
Sutera - Drífur
Sutera, drífur, er ættkvísl í grímublómaætt, Scrophulariaceae, með heimkynni í Afríku.
-
Sutera cordata - snædrífa
Tagetes - Flauelsjurtir
Flauelsjurtir, Tagetes, er ættkvísl í körfublómaætt, Asteraceae, með heimkynni í N- og S-Ameríku.
-
Tagetes patula - flauelsblóm
Tropaeolum - Skjaldfléttur
Skjaldfléttur, Tropaeolum, er eina ættkvísl skjaldfléttuættar, Tropaeolaceae. Þær eiga heimkynni í Mið- og S-Ameríku.
-
Tropaeolum majus - skjaldflétta
Verbena - Járnurtir
Járnurtir, Verbena, er ættkvísl 250 einærra og fjölærra tegunda í járnurtaætt, Verbenaceae. Flestar tegundir eiga heimkynni í Ameríku og Asíu.
-
Verbena x hybrida - garðajárnurt
Viola - Fjólur
Fjólur, Viola, er stærsta ættkvísl fjóluættar, Violaceae, með mesta útbreiðslu um nyrðra tempraða beltið. Þó vaxa nokkrar tegundir á suðurhveli, t.d. í Andesfjöllum og Ástralíu. Flestar eru lágvaxnar jurtir en örfáar tegundir eru runnkenndar og nokkrar tegundir í Andesfjöllum eru þykkblöðungar. Best þekktar og mest ræktaðar eru stjúpur og fjólur ræktaðar sem sumarblóm.
-
Viola x williamsii - fjallafjólublendingar
-
Viola x wittrockiana - stjúpur
Silene - Hjartagrös
Hjartagrös, Silene, er stærsta ættkvísl hjartagrasaættar, Caryophyllaceae, með útbreiðslu um allan heim, með mestan tegundafjölda á norðurhveli. Hjartagrös vilja vera sólarmegin í lífinu, ein, glitberi er ræktuð sem sumarblóm.
-
Silene coeli-rosea (Viscaria) - glitberi