C

Calceolaria biflora
Calceolaria - Frúarskór
 

Ættkvíslin Calceolaria, frúarskór, tilheyrði áður grímublómaætt, Scrophulariaceae, en er nú flokkuð í ættina Calceolariaceae. Þetta eru fremur lágvaxnar plöntur með hvirfingu laufblaða og einkennandi blómum með pokalaga neðri vör. Flestar eiga þær heimkynni í S-Ameríku.

 

Caltha palustris
Caltha - Hófsóleyjar
 

Hófsóleyjar, Caltha, eru eins og nafnið bendir til af ætt sóleyja, Ranunculaceae. Þær vaxa í rökum jarðvegi við læki og tjarnir um kaldtempruðu beltin á norður og suðurhveli jarðar. Ein tegund, hófsóley, vex villt á Íslandi.

 

Catananche caerulea
Catananche
 

Catananche er lítil ættkvísl 5 tegunda í körfublómaætt, Asteraceae, sem vaxa á þurrum engjum Miðjarðarhafssvæðisins.

 

2019-08-30 14.07.03edit.jpeg
Centaurea - Kornblóm
 

Kornblóm, Centaurea, er stór ættkvísl um 350 - 600 tegunda  í körfublómaætt, Asteraceae. Tegundir ættkvíslarinnar vaxa eingöngu á norðurhveli, flestar í Miðausturlöndum. Einkenni ættkvíslarinnar eru blómkollar sem samsettir eru úr frjóum pípukrónum í miðju og ófrjóum reifarblöðum í kring. 

 

Cerastium biebersteinii
Cerastium - Fræhyrnur
 

Fræhyrnur, Cerastium, er einsleit ættkvísl um 100 tegunda í hjartagrasaætt, Caryophyllaceae, með heimkynni um allan heim þó flestar vaxi um tempraðabeltið nyrðra. Þær þrífast almennt best á sólríkum stað í þurrum, snauðum jarðvegi.

 

Chelidonium majus
Chelidonium - Svölujurt
 

Svölujurt er eina tegund ættkvíslarinnar Chelidonium í draumsóleyjarætt, Papaveraceae. Hún vex á engjum í Evrópu og V-Asíu og sem ágengur slæðingur í N-Ameríku.

 

Cicerbita alpina
Cicerbita - Bláfíflar
 

Bláfíflar, Cicerbita, er ættkvísl um 20 tegunda í körfublómaætt, Asteraceae. Margar eru fjallaplöntur sem vaxa í skógarjöðrum og rjóðrum í Evrópu og Asíu.

 

Convallaria majalis
Convallaria - Dalalilja
 

Dalalilja er eina tegund ættkvíslarinnar Convallaria sem áður tilheyrði liljuætt, en er nú í aspasætt, Asparagaceae. Hún er skógarplanta sem vex í björtum laufskógum í Evrópu og Asíu.

 

Cortusa matthioli
Cortusa - Bjöllulyklar
 

Bjöllulyklar, Cortusa, er lítil ættkvísl í maríulykilsætt, Primulaceae,  sem líkjast nokkuð maríulyklum. Flestar tegundir eru vorblómstrandi fjallaplöntur sem vaxa í fjöllum S- og A-Evrópu m.a. Ölpunum og Karpatafjöllum, en einhverjar tegundir vaxa í Kína.

 

Corydalis lutea
Corydalis - Fuglalappir
 

Fuglalappir, Corydalis, er stór ættkvísl í draumsóleyjaætt, Papaveraceae (áður í reykjurtaætt),  með yfir 300 tegundum sem flestar eiga heimkynni í Himalajafjöllunum og Kína. Margar eru skógarplöntur sem þrífast best í rökum jarðvegi og skugga part úr degi.

 

2019-06-20 17-02-21edit.jpeg
Cremanthodium - Lotkörfur
 

Lotkörfur, Cremanthodium, er ættkvísl um 50 tegunda í körfublómaætt, Asteraceae, með heimkynni í Himalajafjöllum. Þær eiga það sameiginlegt að bera gul, lútandi blóm og er nafn ættkvíslarinnar dregið af því. Þær þurfa allar vel framræstan jarðveg og jafnan jarðraka, en þola illa að standa í vatni yfir vetrarmánuðina.

 

2019-08-18 18-54-03edit.jpeg
Cyananthus - Heiðjurtir
 

Heiðjurtir, Cyananthus, er ættkvísl um 30 tegunda í bláklukkuætt, Campanulaceae, sem allar eiga heimkynni í háfjöllum Mið- og Austur-Asíu, margar í Himalajafjöllum. Þetta eru yfirleitt jarðlægar plöntur með nokkuð stórum blómum sem eru stök á hverjum blómstöngli, oftast blá, en geta líka verið hvít eða gul.

 

Cymbalaria pallida
Cymbalaria - Dýramunnar
 

Cymbalaria, dýramunnar, er ættkvísl sem áður tilheyrði grímublómaætt, Scrophulariaceae, en hefur nú verið flokkuð græðisúruætt, Plantaginaceae. Dýramunnar eru náskyldir dýraginum, Linaria. Þetta eru smávaxnar, skriðular plöntur sem vaxa í V-Evrópu og við Miðjarðarhafið.