top of page

M

Malva moschata
Malva - Moskusrósir
 

Moskusrósir, Malva, er ættkvísl um 30 tegunda í stokkrósarætt, Malvaceae, sem eiga heimkynni víða um Evrópu, Asíu og Afríku. Lauf og blóm margra tegunda eru nýtt í matargerð, einkum í Asíu.

 

M
Meconopsis betonicifolia
Meconopsis - Blásólir
 

Blásólir, Meconopsis, er ættkvísl um 40 tegunda í draumsóleyjaætt, Papaveraceae, sem allar utan ein, eiga heimkynni í Himalajafjöllum. Gulsólin vex villt á Bretlandseyjum og þykir nokkuð álitamál hvort hún eigi heima innan ættkvíslarinnar. Himalajategundirnar vaxa hátt til fjalla á rökum engjum með stórvöxnum maríulyklategundum (kínalykilsdeild). Þær eiga því vel saman í görðum þar sem þær kjósa rakan, frjóan jarðveg og skugga part úr degi.

 

Mimulus lewisii
Meum - Bjarnarrót
 

Bjarnarrót er eina tegund ættkvíslarinnar Meum í sveipjurtaætt, Apiaceae, en hún vex villt í Evrópu. 

 

Mimulus lewisii
Mimulus - Apablóm
 

Apablóm, Mimulus, er nokkuð stór ættkvísl um 150 tegunda sem áður tilheyrðu grímublómaætt, Scrophulariaceae, en tilheyra nú ættinni Phrymaceae. Ættkvíslin dreifist að stærstu leiti um  tvö útbreiðslusvæði, annars vegar um vestanverða N-Ameríku og hins vegar um Ástralíu þó örfáar tegundir vaxi á öðrum stöðum. Margar tegundanna, eins og t.d. apablóm, vaxa í rökum og jafnvel blautum jarðvegi.