Ajuga reptans 'Atropurpurea'
Dvergavör
Varablómaætt
Lamiaceae
Hæð
lágvaxin, um 10 - 15 cm á hæð, blómstönglar 20 - 30 cm
Blómlitur
fjólublár
Blómgun
júlí
Lauflitur
purpurarauður
Birtuskilyrði
hálfskuggi - skuggi
Jarðvegur
vel framræstur, frekar rakur
pH
súrt - hlutlaust - basískt
Harðgerði
harðgerð
Heimkynni
tegundin vex villt í Evrópu
Ættkvíslin Ajuga, lyngbúar, er af varablómaætt, Lamiaceae. Íslenska heiti ættkvíslarinnar er dregið af sjaldgæfri íslenskri jurt. Lyngbúi vex eingöngu á Austurlandi og er alfriðaður. Þær tegundir sem hafa verið ræktaðar í görðum hér eiga heimkynni í Evrópu.
Fjölgun:
Skipting að vori. Plantan breiðist út með ofanjarðarrenglum sem skjóta rótum og ný planta vex upp. Því er mjög auðvelt að kljúfa nýju plönturnar frá og flytja annað.
Jarðlæg þekjuplanta sem breiðir nokkuð hratt úr sér og myndar breiðu af glansandi, dökk purpurarauðu laufi. Hún er skuggþolin, en blómstrar betur í hálfskugga. Þolir flestar jarðvegsgerðir, en þrífst best í vel framræstum, rökum jarðvegi.