Alchemilla faeroensis
Maríuvöttur
Rósaætt
Rosaceae
Hæð
lágvaxinn, um 15-20 cm
Blómlitur
ljós grænn
Blómgun
júní
Lauflitur
grænn
Birtuskilyrði
sól - hálfskuggi
Jarðvegur
vel framræstur
pH
súrt - hlutlaust - basískt
Harðgerði
harðgerður
Heimkynni
Ísland, Færeyjar og Skandinavía
Döggblöðkur, Alchemilla, er ættkvísl jurta í rósaætt, Rosaceae. Þær eru blaðfagrar og þó blómin láti lítið yfir sér eru ljósgrænir sveipirnir mikið skraut sem fer afar vel með öðrum plöntum. Langflestar tegundir ættkvíslarinnar eiga heimkynni í norðanverðri Evrasíu, en einnig eru nokkrar tegundir sem eiga heimkynni í fjöllum Afríku og í Norður-Ameríku. Þrjár tegundir vaxa villtar á Íslandi.
Fjölgun:
Skipting að vori
Sáning - þarf kaldörvun, best sáð að hausti.
Fræ rétt hulið og haft í 2-4 vikur við stofuhita og svo er best að setja sáninguna út fram að spírun. Spírun getur verið hæg, fræ gæti spírað ári síðar og því mikilvægt að henda ekki sáningunni of snemma. Spírar best við 5-12°C
Maríuvöttur er lágvaxin, íslensk planta sem hentar vel í steinhæðir eða fremst í fjölæringabeð með öðrum smávöxnum plöntum. Hann er útbreiddur á Austurlandi, en sjaldséður í öðrum landshlutum. Laufblöðin eru millistig á milli laufs ljónslappa og maríustakks, hálfmött. Harðgerður og auðræktaður í vel framræstum jarðvegi og sól part úr degi.