Androsace carnea ssp. rosea
Fjallaberglykill
Maríulykilsætt
Primulaceae
Hæð
lágvaxinn, um 10 cm
Blómlitur
bleikur
Blómgun
apríl-maí
Lauflitur
dökkgrænn
Birtuskilyrði
sól
Jarðvegur
grýttur, vel framræstur jarðvegur
pH
súrt - hlutlaust - basískt
Harðgerði
þrífst vel ef jarðvegur er ekki of þéttur og blautur
Heimkynni
austanverð Pýreneafjöll og vestanverðir Alpar
Berglyklar, Androsace, tilheyra maríulykilsætt, Primulaceae. Í ættkvíslinni eru um 100 tegundir sem allar eru háfjallaplöntur sem þrífast best í grýttum jarðvegi á sólríkum stað.
Fjölgun:
Sáning - þarf kaldörvun, best sáð að hausti.
Fræ rétt hulið og haft í 2-4 vikur við stofuhita og svo er best að setja sáninguna út fram að spírun. Spírun getur verið hæg, fræ gæti spírað ári síðar og því mikilvægt að henda ekki sáningunni of snemma. Spírar best við 5-12°C.
Vorblómstrandi háfjallaplanta sem blómstrar bleikum blómum í apríl - maí. Hann vex best í sól og vel framræstum, grýttum jarðvegi. Hann þolir illa vetrarbleytu og þar sem vetur eru blautir vex hann best í góðum halla, t.d. steinhleðslu.