Anemone multifida 'Rubra'
Mjólkursnotra
Sóleyjaætt
Ranunculaceae
Hæð
lágvaxin, um 30 cm
Blómlitur
dökkbleikur
Blómgun
júní-júlí
Lauflitur
dökkgrænn
Birtuskilyrði
sól-hálfskuggi
Jarðvegur
vel framræstur, næringarríkur
pH
súrt - hlutlaust - basískt
Harðgerði
harðgerð
Heimkynni
N-Ameríka
Snotrur, Anemone, tilheyra sóleyjaætt, Ranunculaceae og líkjast mjög sóleyjum. Þær vaxa einkum á norðlægum slóðum og upp til fjalla. Margar blómstra á vorin eða snemmsumars, þó nokkrar, eins og haustsnotra, blómstri síðsumars.
Fjölgun:
Skipting að vori.
Sáning - sáð að vori. Fræ geymist illa svo best er að geyma það í kæli þar til því er sáð.
Fræ rétt hulið og haft við stofuhita (ca. 20°C) fram að spírun. Eftir spírun þarf lægra hitastig og næga birtu til að plöntur verði ekki of teygðar. Ef fræ spírar ekki, getur það þurft kaldörvun í 3-4 vikur, svo aftur stofuhita.
Sáning - sáð að hausti.
Fræ rétt hulið og haft í 2-4 vikur við stofuhita og svo er best að setja sáninguna út fram á vor. Spírar best við 18-20°C, svo best er að taka sáninguna inn þegar fer að hlýna.
Lágvaxin, fíngerð planta með fínskiptu laufi og dökkbleikum blómum. Hún vex best í vel framræstum, næringarríkum jarðvegi í sól eða hálfskugga. Ef hún er í of miklum skugga og of þéttum jarðvegi getur hún drepist, en hún er harðgerð við rétt skilyrði.