Anemone nemorosa 'Robinsoniana'
Skógarsnotra
Sóleyjaætt
Ranunculaceae
Hæð
lágvaxin, um 10-15 cm
Blómlitur
lillablár
Blómgun
maí
Lauflitur
grænn
Birtuskilyrði
hálfskuggi
Jarðvegur
vel framræstur, frekar rakur
pH
súrt - hlutlaust
Harðgerði
harðgerð
Heimkynni
Evrópa
Snotrur, Anemone, tilheyra sóleyjaætt, Ranunculaceae og líkjast mjög sóleyjum. Þær vaxa einkum á norðlægum slóðum og upp til fjalla. Margar blómstra á vorin eða snemmsumars, þó nokkrar, eins og haustsnotra, blómstri síðsumars.
Fjölgun:
Hnýði gróðursett að hausti.
Skipting að vori.
Vorblómstrandi skógarplanta sem fer vel í trjábeðum. Hún breiðir hægt úr sér með jarðstönglum og myndar með tímanum breiðu. Blómin eru lillablá, einföld á stuttum blómstönglum. Þrífst best í aðeins rökum, lífefnaríkum, frjóum og vel framræstum jarðvegi sem er aðeins súr.