Anemone sylvestris
Rjóðursnotra
Sóleyjaætt
Ranunculaceae
Hæð
meðalhá, um 40 cm
Blómlitur
hvítur
Blómgun
júní
Lauflitur
grænn
Birtuskilyrði
hálfskuggi
Jarðvegur
vel framræstur, frekar rakur
pH
súrt - hlutlaust - basískt
Harðgerði
harðgerð
Heimkynni
Mið- og V-Evrópa
Snotrur, Anemone, tilheyra sóleyjaætt, Ranunculaceae og líkjast mjög sóleyjum. Þær vaxa einkum á norðlægum slóðum og upp til fjalla. Margar blómstra á vorin eða snemmsumars, þó nokkrar, eins og haustsnotra, blómstri síðsumars.
Fjölgun:
Skipting að vori.
Sáning að hausti. Fræ geymist illa svo best er að geyma það í kæli þar til því er sáð.
Fræ rétt hulið og haft í 2-4 vikur við stofuhita og svo er best að setja sáninguna út fram á vor. Spírar best við 20°C svo best er að taka sáninguna inn þegar fer að hlýna.
Sáning að vori
Fræ rétt hulið og haft við stofuhita (ca. 20°C) fram að spírun. Eftir spírun þarf lægra hitastig og næga birtu til að plöntur verði ekki of teygðar. Ef fræ spírar ekki er best að setja það í kæli í 4-6 vikur.
Falleg skógarplanta sem blómstrar stórum, hvítum blómum í júní. Hún er nokkuð skuggþolin, en vex betur í hálfskugga í vel framræstum, rökum jarðvegi. Sáir sér lítillega.