Armeria maritima 'Alba'
Geldingahnappur
Gullintoppuætt
Plumbaginaceae
Hæð
lágvaxinn, um 15 cm
Blómlitur
hvítur með fölbleikri slikju
Blómgun
miðjan júní
Lauflitur
dökkgrænn
Birtuskilyrði
sól
Jarðvegur
vel framræstur, sendinn
pH
súrt - hlutlaust - basískt
Harðgerði
harðgerður
Heimkynni
strandsvæði á norðurhveli
Gullintoppur, Armeria, tilheyra gullintoppuætt, Plumbaginaceae. Tegundir ættkvíslarinnar eru mjög líkar og oft erfitt að greina á milli tegunda. Þær einkennast af jarðlægri blaðhvirfingu striklaga laufblaða og blómkollum á blaðlausum stilki. Ein íslensk planta, geldingahnappur, tilheyrir þessari ættkvísl en aðrar tegundir eiga flestar heimkynni við Miðjarðarhafið.
Fjölgun:
Sáning - sáð að vori
Fræ rétt hulið og haft við stofuhita (ca. 20°C) fram að spírun. Spírun getur verið hæg. Eftir spírun þarf lægra hitastig og næga birtu til að plöntur verði ekki of teygðar.
Sort af geldingahnappi með hvítum blómum. Hann verður fallegastur í grófri sandblöndu sem er 20-30% mold. Þarf sólríkan stað til að þrífast vel.