Aster alpinus 'Goliat'
Fjallastjarna
Körfublómaætt
Asteraceae
Hæð
lágvaxin, um 20-30 cm á hæð
Blómlitur
ljós fjólublár
Blómgun
júlí - ágúst
Lauflitur
grænn
Birtuskilyrði
sól
Jarðvegur
sendinn, frekar rýr
pH
súrt - hlutlaust - basískt
Harðgerði
sæmilega harðgerð, en skammlíf
Heimkynni
tegundin vex villt í Alpafjöllum og öðrum fjöllum í Evrópu
Stjörnufíflar, Aster, tilheyra körfublómaætt, Asteraceae. Heimkynni ættkvíslarinnar eru engi í tempraða beltinu nyrðra, og vex meirihlutinn í Norður-Ameríku. Þeir þrífast best í rökum, frjósömum jarðvegi og kjósa að vera sólarmegin í lífinu. Flestir stjörnufíflar blómgast síðsumars og fram á haust, en þeir sem helst eru ræktaðir hér eru háfjallaplöntur sem blómgast fyrr, í júlí - ágúst.
Fjölgun:
Skipting að vori.
Sáning - sáð að vori.
Fræ rétt hulið og haft við stofuhita (ca. 20°C) fram að spírun. Eftir spírun þarf lægra hitastig og næga birtu til að plöntur verði ekki of teygðar.
Þrífst best í frekar rýrum, sendnum jarðvegi og hentar því best í steinhæð. Tegundin vex villt í fjöllum Evrópu.