Campanula aucheri
Sunnuklukka
Bláklukkuætt
Campanulaceae
Hæð
lágvaxin, um 10 - 15 cm
Blómlitur
fjólublár
Blómgun
júní
Lauflitur
grænn
Birtuskilyrði
sól
Jarðvegur
vel framræstur, blandaður grófum sandi
pH
súrt - hlutlaust - basískt
Harðgerði
þrífst vel, ef frárennslið er gott
Heimkynni
Kákasusfjöll, Tyrkland og N-Íran
Ættkvíslin Campanula, bláklukkur, er stærsta ættkvísl bláklukkuættarinnar, Campanulaceae, með yfir 500 tegundum sem dreifast um norðurhvel jarðar, flestar við Miðjarðarhaf og austur til Kákasus. Tegundir ættkvíslarinnar eru mjög fjölbreyttar frá lágvöxnum háfjallaplöntum, til stórvaxinna engja og skógarplantna. Tvær tegundir, bláklukka og fjallabláklukka, vaxa villtar á Íslandi.
Fjölgun:
Skipting að vori.
Sáning – sáð síðvetrar.
Fræ ekki hulið og haft við 20°C fram að spírun. Spírar hægt, getur tekið 3 mánuði. Eftir spírun þarf lægra hitastig og næga birtu til að plöntur verði ekki of teygðar.
Falleg steinhæðaplanta sem þarf mjög gott frárennsli.