Dianthus barbatus nigrescens 'Sooty'
Stúdentadrottning
Hjartagrasaætt
Caryophyllaceae
Hæð
meðalhá, 30 - 40 cm.
Blómlitur
dökkrauður
Blómgun
lok júní - ágúst
Lauflitur
dökkgrænn - vínrauður
Birtuskilyrði
sól
Jarðvegur
lífefnaríkur, vel framræstur
pH
hlutlaust - basískt
Harðgerði
þrífst vel
Heimkynni
garðaafbrigði, tegundin vex villt í S-Evrópu og hluta Asíu
Dianthus, drottningablóm, er stór ættkvísl í hjartagrasaætt, Caryophyllaceae, með um 300 tegundum sem flestar eiga heimkynni við Miðjarðarhafið, norður eftir Evrópu og austur til Asíu. Flestar mynda lága brúska eða breiður og vaxa best í þurrum, grýttum jarðvegi á sólríkum stað og henta því vel í steinhæðir.
Fjölgun:
Sumargræðlingar.
Blómlaus stilkur rifinn frá alveg niður við jörð og stungið í vikurblandaða pottamold. Haldið röku á skýldum stað, ekki í sterkri sól þar til græðlingurinn hefur rótað sig.
Sáning - sáð að vori.
Fræ rétt hulið og haft við stofuhita (ca. 20°C) fram að spírun. Eftir spírun þarf lægra hitastig og næga birtu til að plöntur verði ekki of teygðar.
Skammær tegund, oft ræktuð sem tvíær eða sumarblóm.