Hepatica transsilvanica
Kjarrblámi
Sóleyjaætt
Ranunculaceae
Hæð
lágvaxinn, um 15 cm
Blómlitur
blálilla
Blómgun
lok apríl - maí
Lauflitur
grænn
Birtuskilyrði
hálfskuggi
Jarðvegur
frjór, lífefnaríkur, rakur, vel framræstur
pH
hlutlaust - basískt
Harðgerði
harðgerður
Heimkynni
Rúmenía
Skógarblámar, Hepatica, er lítil ættkvísl í sóleyjaætt, Ranunculaceae, með heimkynni í Evrópu, Asíu og Norður-Ameríku. Þetta eru sígrænar, vorblómstrandi skógarplöntur sem þrífast best í fremur kalkríkum jarðvegi og þola nokkurn skugga.
Fjölgun:
Skipting að vori.
Sáning - sáð að hausti eða vetri
Fræ hefur mjög stutt geymsluþol og ætti því að geyma það í kæli fram að sáningu. Best er að sá því eins fljótt og hægt er eftir að því er safnað.
Fræ rétt hulið og haft úti fram að spírun. Ef sáð að hausti spírar fræið líklegast að vori, en það gæti spírað ári seinna.
Falleg vorblómstrandi skógarplanta.