Iris variegata
Trúðaíris
Sverðliljuætt
Iridaceae
Hæð
meðalhá, um 30 - 40 cm
Blómlitur
gulur og brúnn
Blómgun
lok júní - júlí
Lauflitur
grænn
Birtuskilyrði
sól
Jarðvegur
frjór, vel framræstur, vikur eða malarblandaður
pH
súrt - hlutlaust - basískt
Harðgerði
þokkalega harðgerð ef frárennsli er nægt
Heimkynni
Mið-Evrópa
Sverðliljur, Iris, er stór ættkvísl hátt í 300 tegunda í sverðliljuætt, Iridaceae. Orðið iris er úr grísku og merkir regnbogi og vísar í litrík blóm ættkvíslarinnar. Nær allar tegundir vaxa um tempraða belti norðurhvels við mjög breytileg skilyrði, frá þurru fjallendi, til engja og mýra.
Fjölgun:
Skipting að vori.
Sáning - sáð að hausti eða vetri
Það getur flýtt fyrir spírun að leggja fræ í bleyti í heitt vatn og láta liggja í sólarhring. Fræ síðan hulið og haft úti fram að spírun. Þarf 2-3 mánaða kuldaskeið.
Þarf næringarríkan, en vel framræstan jarðveg. Jarðstönglar fúna ef moldin er of blaut og klesst. Treg til að blómstra.