Lupinus polyphyllus
Garðalúpína
Ertublómaætt
Fabaceae
Hæð
hávaxin, um 80 - 90 cm
Blómlitur
blár, fjólublár eða bleikur
Blómgun
síðari hluta júní - júlí
Lauflitur
grænn
Birtuskilyrði
sól - hálfskuggi
Jarðvegur
rýr, vel framræstur, rakur
pH
súrt - hlutlaust
Harðgerði
mjög harðgerð
Heimkynni
vestanverð N-Ameríka
Ættkvíslin Lupinus, úlfabaunir, tilheyrir ertublómaætt, Fabaceae. Þetta er stór ættkvísl um 300 tegunda með heimkynni í N- og S-Ameríku. Smærri útbreiðslusvæði er einnig að finna í kringum Miðjarðarhafið. Þær eru niturbindandi og geta því margar vaxið í þurrum, rýrum jarðvegi.
Fjölgun:
Skipting að vori.
Sáning - sáð síðvetrar eða að vori
Fræ rispað og lagt í bleyti í volgu vatni í sólarhring áður en því er sáð. Fræ síðan rétt hulið og haft við 15 - 20°C fram að spírun.
Þarf sólríkan stað og vel framræsta mold. Harðgerð.