Primula rosea 'Grandiflora'
Rósulykill
Maríulykilsætt
Primulaceae
Hæð
lágvaxinn, um 15 - 30 cm
Blómlitur
rósbleikur
Blómgun
maí
Lauflitur
grænn
Birtuskilyrði
sól - hálfskuggi
Jarðvegur
frjór, lífefnaríkur, rakur
pH
aðeins súrt - hlutlaust
Harðgerði
viðkvæmur fyrir umhleypingum á vorin
Heimkynni
garðaafbrigði, tegundin vex villt í Afganistan og Kasmírhéraði.
Maríulyklar, Primula, er geysistór ættkvísl um 500 tegunda í maríulykilsætt, Primulaceae. Tegundir ættkvíslarinnar dreifast víða, en mestur tegundafjöldi, um helmingur, vex í Himalajafjöllum. Þær vaxa því við breytileg skilyrði, sumar eru úrvals steinhæðaplöntur, aðrar kunna vel við sig í djúpum, frjóum jarðvegi og skugga part úr degi. Flestar eiga það þó sameiginlegt að þola illa þurrk.
Fjölgun:
Skipting að vori eða hausti.
Sáning - sáð síðvetrar eða að vori.
Fræ ekki hulið og haft við stofuhita fram að spírun.
Yrki sem er gróskumeira og blómsælla en tegundin. Blómin springa út þegar blómstönglarnir eru rétt komnir upp úr moldinni, en þeir lengjast á meðan á blómgun stendur. Knúppar geta skemmst í vorumhleypingum.