Sæl og blessuð Vigdís og vertu hjartanlega velkomin :) Mikið ofboðslega er þetta fallegur garður sem þú átt. Tjörnin er listilega vel gerð - er þetta fífa sem ég sé þarna? Ég er í miðri tjarnargerð svo maður gæti átt eftir að sækja innblástur til þín.

Takk fyrir falleg orð 😊 já þetta er Fífa, sé hálfpartinn eftir þvi að hafa sett hana þarna. Er að hugsa um að hreinsa hana burtu í sumar. Hún er of fyrirferða mikil. Tjörnin er hjarta garðsins, þar slær taktur hans 💚💖💚 erum með nokkra fiska sem gleða mikið.

Ég hef búið til svæði hér fyrir garðinn þinn sem heitir Garður í Grindavík, ef þú vilt breyta nafni, fyrirsögn eða mynd lætur þú mig bara vita.

Hvaða planta er þetta úti í tjörninni? Einhverskonar vatnalilja? Falleg steyptu laufin.

Já vatnalilja sem eg keypi i fyrra, bíð spennt eftir að sja hvernig henni reiðir af, vona að hún blómstri 🤗

Já, verður spennandi að fylgjast með því. Þessi garður er algjört augnakonfekt, þessi hellulögn er virkilega flott. Fallegur staður til að slaka á og njóta.

Vá þetta er nú með fallegustu görðum sem ég hef séð. Velkomin í hópinn Vigdís. Þessar myndir eru dásamlegar. Takk fyrir að deila þeim, ég á eftir að koma oft inn á garðaþráðinn þinn og skoða ❤️🌻💐🌳

Garðurinn þinn er mjög fallegur Vigdís. Fullt af fallegum plöntum.

Já eins og Rannveig segir, tjörnin er sérlega spennandi. Er hún ekki fóðruð með tjarnardúk å hefðbundinn hátt?

Vá hvað þetta er fallegur garður!

Er ekki að koma sumar í garðinum þínum Vigdís. Hér í Reykjavík sýnist mér fólk vera farið að planta sumarblømum. Hjá mér i Jarphaga sem er í uppsveitum Árnessýslu er birkið núna fyrst að laufgast almennilega. það munar miklu hvort maður er í 100 m. hæð inni í landi eða nálægt sjónum. Hlakka til að sjá nýjar garðamyndir frá þér🌻

Sæl Magga, jú allt að gerast hér. Mesta uppáhalduð þessa dagana er maíeplið, það hefur svo mörg andlit, er síbreytileg 🤗

Magga þú spurðir um tjörnina, sem við gerðum 2012, jú hún er lögð með sérstökum gúmmídúk. Hefur ekki verið til vandræða til þessa. Við erum með 4 fiska i henni, þeir hafa verið þar frá upphafi. Þeir voru reyndar fleiri i upphafi, hafa tapað tölunni. Sýni mynd með þar sem sést hvernig var umhorfs áður en við létum renna í hana.

Magga, Já ég þekki það svo vel að bíða eftir vorinu, er frá Skagaströnd þar sem vorar seint. Það munar 3-4 vikum miðað við hér á suðvestur horni landsins. Ég er svo heppin, maðurinn minn smíðaði gróðurhús handa mér sem komst í gagnið síðastliðið haust. Því gat ég sáð fyrir sumarblómum í fyrsta sinn. Ég prófaði Skógarmölvu og Skjaldfléttu. Nú er allt komið út hjá mér og er ég glöð með þessa tilraun mína.

Skjaldfléttan fór í dag, bóndi minn á eftir að byggja undir hana þannig að hún njóti sín betur.

Áður fyrr keypti ég mikið af sumarblómum. En svo fór ég að nota ýmsa fjölæringa í stað þeirra í ker og hengipotta. Hér sjáið þið útkomuna með Steinbrjót.

Takk fyrir þessar flottu myndir og allar upplýsingarnar. Glæsileg tjörnin og fín sumarblómin hjá þér í nýja gróðurhúsinu, þú ert sannarlega með græna fingut. Síðasta myndin er alveg spes, er plantan á hvolfi?

Dásamlegar myndir Vigdís. 😍 Gaman að sjá hvernig tjörnin er gerð - er þetta rör í botninum? Felustaður fyrir fiskana? Ertu með einhvern hita á henni?

Maíeplið er fallegt - ég er enn að bíða eftir að mitt blómstri. Það er ræktað af fræi og hefur heldur betur látið bíða eftir sér. En laufið er fallegt líka.

Held að það sé óhætt að segja að sumarblómatilraunin hafi heppnast vel! Glæsilegar plöntur. 👍

Og hnoðrinn í hengipottinum kemur mjög skemmtilega út.

Rannveig, rörið i miðjunni er frárennslið tjörninni. Það er létt sírennsli í hana sem svo rennur niður um rörið og beint ofaní hraunið. Við notum stutt en breitt plaströr sem hellir fyrir fiskana. Þeir hafast þar við lengst af. Það r gosbrunn stútur inní affallsrörinu en dælan bilaði siðasta haust. En ný er komin i hús og því fer gosbunan aftur af stað fljótlega.

Takk fyrir upplýsingarnar. Gleymdi að minnast á Kvarta og Kveinu. Þau eru snilld :)