Músagin



Músagin (Cymbalaria pallida) er afskaplega falleg þekjuplanta sem þó þarf að fara varlega með. Hún er nefnilega rösk til landvinninga og gefur það land sem hún hefur náð yfirráðum á ekkert auðveldlega eftir. Það er nánast ómögulegt að uppræta hana. Það borgar sig því ekki að sleppa henni lausri í garðinum nema það svæði sem henni er úthlutað sé ætlað henni til frambúðar. Að því sögðu er hún ofboðslega falleg í hleðslum og tröppum þar sem hún klæðir hverja glufu með sínum fallegu fjólubláu blómum.

Viljir þú leggja okkur lið og deila myndum og reynslu þinni af ræktun þessarar plöntu með öðru garðáhugafólki er þetta rétti staðurinn til þess.


gardaflora@gardaflora.is    I     © 2015-2019  Garðaflóra.

  • Facebook App Icon