Narcissus 'Melyor' - hátíðalilja
Hátíðalilja (Large Cup)
'Melyor' er afbrigði af hátíðalilju með víðri, bollalaga hjákrónu sem blómstrar hvítum og gulum blómum. Blómstrar mjög snemma og einnig þekkt undir heitinu 'January Silver'.
Verður um 25-30 cm á hæð.
(Áætlað verð: 6 stk á 870 kr. / 50 stk á 5460 kr.)
6 stk í pakka
Ræktunarleiðbeiningar
Hátíðaliljur (páskaliljur) eru fjölærar og í flestum tilvikum harðgerðar. Þær vaxa best í frjóum, vel framræstum jarðvegi í sól eða hálfskugga. Laukarnir eru gróðursettir á þeirri dýpt sem samsvarar því að moldarlagið yfir laukunum sé tvöföld hæð laukanna. Eftir blómgun eru blómstönglarnir klipptir af, en laufið látið vera þar til það fölnar. Þannig safnast öll orkan í laukinn í stað þess að fara í fræmyndun. Þar sem laufið er ekki mjög fallegt á meðan það fölnar, er best að planta laukunum inn á milli fjölæringa sem hylja laufið.
