top of page
20110601_041edit.jpg
Alopecurus - Liðagrös

Alopecurus, liðagrös, er ættkvísl í grasætt, Poaceae. Þau eiga það sameiginlegt að bera þétt, sívöl blómöx sem minna svolítið á refaskott og eru því kölluð "foxtail" á ensku. Ættkvíslin inniheldur um 25 tegundir grasa sem vaxa um tempraða beltið norðanvert og eru sum notuð sem fóðurgrös í landbúnaði.

​​

20100627_077edit.jpg
Arrhenatherum - Ginhafrar
 

Ginhafrar, Arrhenatherum, er frekar lítil ættkvísl í grasætt, Poaceae, með heimkynni í Evrasíu og N-Afríku. Nokkrar tegundir eru ræktaðar sem fóðurgrös og a.m.k. eins sem skrautgras í görðum.

2019-08-05 17-48-01edit.jpg
Calamagrostis - Hálmgresi
 

Hálmgresi, Calamagrostis, er nokkuð stór ættkvísl um 250 tegunda í grasætt, Poaceae.

Þetta eru hávaxnar plöntur með löngum puntum með heimkynni víða í tempruðum beltum og til fjalla nær miðbaug. Margar tegundir þykja góðar garðplöntur, þar á meðal braggastráin alræmdu ('Karl Foerster'), sem eru eitt vinsælasta skrautgrasyrki í heiminum.

2020-10-04 17-57-37cropedit.jpg
Carex - Starir
 

Starir, Carex, er stærsta ættkvísl stararættar, Cyperaceae, með um 2000 tegundum. Flestar tegundir vaxa í rökum jarðvegi, en þó eru undantekningar á því. Tegundir ættkvíslarinnar eru dreifðar um allar heimsálfur, flestar á heimskauta og tempruðum svæðum.

2020-10-16 14-22-36cropedit.jpg
Elymus 
 

Elymus er nokkuð stór ættkvísl um 150 tegunda í grasætt, Poaceae, með heimkynni í öllum heimsálfum.  Nokkrar tegundir eru ræktaðar í görðum, en ein, húsapuntur, er planta sem enginn vill fá í garðinn sinn. 

20150627_068edit.jpg
Festuca - Vinglar
 

Vinglar, Festuca, er nokkuð stór ættkvísl um 400 - 500 tegunda í grasætt, Poaceae. Tegundir ættkvíslarinnar eru útbreiddar um allan heim.  Margar eru lágvaxnar, fíngerðar tegundir, en ættkvíslin inniheldur líka stórvaxnar tegundir sem geta náð 2 m hæð. Blómskipunin er þéttur puntur. Túnvingull (F. rubra) er íslensk planta sem er lélegt fóðurgras, en er nýttur til landgræðslu þar sem hann er mjög þurrkþolinn. Afbrigði af honum eru líka notuð í grasfræblöndur fyrir grasflatir og golfvelli þar sem þau mynda mjög þéttan, fíngerðan svörð.

2020-10-16 14-51-02edit.jpg
Hakonechloa
 

Hakonechloa er ættkvísl í grasætt, Poaceae, sem inniheldur aðeins eina tegund sem vex villt í Japan. Hún er skuggþolin og mörg garðaafbrigði eru ræktuð í görðum.

IMG_8486edit.jpg
Hordeum - Bygg
 

Ættkvíslin Hordeum, bygg, er ættkvísl einærra og fjölærra tegunda í grasætt, Poaceae, með útbreiðslu um norðurhvel jarðar. Hordeum vulgare, bygg, er mikilvæg kornplanta sem er ræktuð víða um heim, m.a. á Íslandi. Að minnsta kosti ein tegund er ræktuð sem einært skrautgras í görðum.

2019-08-05 17-48-03edit.jpg
Imperata
 

Imperata er ættkvísl um 10 tegunda sem eru útbreiddar í hitabeltinu og á hlýtempruðum svæðum. Þau blómstra silkihærðum öxum og a.m.k. ein tegund er mjög vinsælt skrautgras í görðum.

2020-09-30 16-03-09cropedit.jpg
Koeleria - Strýgresi
 

Strýgresi, Koeleria, er útbreydd &a