Animónur eða maríusnotrur þrífast vel í sól eða hálfskugga í frjóum, vel framræstum jarðvegi. Þær er hægt að forrækta í pottum, eða planta beint út í maí. Ef þær eru forræktaðar þarf að gæta þess að hafa þær ekki í of miklum hita, gróðurhús eða gróðurreitur myndi henta best. 

​

Maríusnotrurnar ná yfirleitt bara að blómstra fyrsta árið eftir gróðursetningu. Hnýðin lifa veturinn af og senda upp ræfilslegt lauf og jafnvel stöku blóm næstu sumur á eftir, en þær verða aldrei eins fallegar og fyrsta sumarið.