Hverarós. rós AmblyotisKG.jpg
Hverarós

Hverarós er harðgerð runnarós frá Kamsjatka í Rússlandi með einföldum bleikum blómum og grófgerðu laufi sem minnir svolítið á ígulrósir.

Labradorrós Rósa blanda Tarja Halonenedi
Labradorrós
 

Labradorrós er runnarós sem vex villt í N-Ameríku og er nánast þyrnalaus. Hún blómstrar einföldum, ljós bleikum blómum og skærgrænu, grófgerðu laufi. 

20110721_331edit.jpeg
Davíðsrós
 

Davíðsrós vex villt í Mið- og V-Kína og SA-Tíbet í 1600 - 3000 m hæð. Henni svipar mjög til meyjarósar og hjónarósar, en verður ekki alveg eins hávaxin og er öll heldur nettari í vaxtarlagi.

20090714_004edit.jpg
Gullrós
 

Gullrós er frekar fíngerð runnarós sem vex villt við rætur Kákasusfjalla í Georgíu. Hún blómstrar gullgulum, einföldum blómum og dökkgrænu laufi. Hún þrífst best á sólríkum stað í vel framræstum, sendnum jarðvegi.

20110721_351edit.jpg
Rauðblaðarós
 

Rauðblaðarós vex villt í fjöllum Mið- og S-Evrópu og norður til Þýskalands og Póllands. Hún blómstrar smáum, einföldum, bleikum blómum og laufið er bláleitt með vínrauðum æðastrengjum.

2018081711_48_5299edit.jpeg
Hunangsrós
 

Hunangsrós er mjög hávaxin flækjurós sem vex villt í Kína. Hún getur orðið mjög mikil um sig í hlýrra loftslagi, allt að 6-7 m á hæð og breidd, en er töluvert nettari hér. Blómin eru smá, einföld og kremhvít í nokkuð stórum klösum og laufið er frekar smágert, gljáandi grænt.

​​

Kanelrós_KG.jpg
Kanelrós
 

Kanelrós er hávaxin runnarós sem vex villt í Evrópu og austur til Síberíu. Hún blómstrar einföldum, bleikum blómum og þroskar ætar nýpur sem mjög ríkar af C-vítamíni.

20110721_423edit.jpg
Meyjarós
 

Meyjarós er hávaxin runnarós sem vex villt í V-Kína.  Blómin eru einföld og geta verið frá bleikum yfir í rautt.

IMG_20080727_073edit.jpg
Brúðurós
 

Brúðurós vex villt í norðausturhluta N-Ameríku. Hún blómstrar einföldum, bleikum blómum og hefur mjög einkennandi, dökkgrænt, glansandi lauf.