Rannveig
fullDatetime-to-read.short-label
Blóm haustlilju minna svolítið á stóra krókusa. Laufið vex upp á vorin, laufblöðin eru breið og gljáandi og mynda töluvert mikinn brúsk sem visnar upp úr miðju sumri og hverfur alveg. Blómin vaxa svo upp í september - október.
Nokkur atriði sem þarf að hafa í huga við val á staðsetningu:
það er kostur að sól nái að skína á blómin þegar þau koma upp að hausti, en þó ekki nauðsynlegt
þar sem blómin koma upp mjög seint í september eða í október, er æskilegt að þau sjáist frá húsinu
það er mikilvægt að plönturnar sem vaxa næst hausliljunni nái að hylja auða blettinn sem myndast þegar laufið visnar niður, en mega þó ekki vera svo stórvaxnar að ekki sjáist í blómin þegar þau birtast að hausti.
Haustliljur eru harðgerðar og fjölga sér með tímanum þannig að 1-2 laukar geta myndað stæðilegan brúsk á nokkrum árum.
Eiturhaustlilja 'Waterlily', minni mynd - laufbrúskur í júní