Appelsínugular rósir

'Doris Tysterman' er terósablendingur með fylltum, appelsínugulum blómum. Viðkvæm, þrífst best í gróðurhúsi.

'Flora Danica' er terósablendingur með fylltum, appelsínugulum blómum.

'Maigold' er nútíma runnarós með hálffylltum, appelsínugulum blómum sem fölna með aldrinum og verða föl apríkósugul.

'Morden Sunrise' er nútíma runnarós úr kanadísku Parkland-seríunni. Hún blómstrar hálffylltum, apríkósugulum blómum.

'Olds College' er kanadísk nútíma runnarós. Hún blómstrar fylltum, appelsínugulum blómum.

'Bicolor' er einblómstrandi runnarós með einföldum, tvílitum blómum, sem eru appelsínurauð á efra borði og gul á því neðra.