Dec 28, 2017

Adenophora liliifolia - Liljubura

0 comments

Edited: Oct 26

 

 

Ég ræktaði liljuburu af fræi og hún blómstraði í fyrsta sinn hjá mér 2008. Hún hefur mjög fallega ljósfjólublá blóm og er mjög tilkomumikil í blóma. Ég er ekki 100% örugg um að þetta sé í raun liljubura, því plantan mín er mjög skriðul og heimildum ber ekki saman um útbreiðsluhraða hennar. Samkvæmt sumum heimildum er hún sögð breiðast hægt út með jarðstönglum, en öllum virðist bera saman um að hún breiði eitthvað úr sér. Mín er rösk til landvinninga, en það er þó auðvelt að skera utan af hnausnum, því jarðrenglurnar liggja mjög grunnt.

 

 

New Posts
  • Mjög fallegt afbrigði af garðavatnsbera með gulum blómum með löngum útsveigðum sporum. Hann hefur reynst mjög blómsæll og stendur lengi í blóma. Því miður hef ég ekkert yrkisnafn. Planta frá Möggu.
  • Þetta er sjálfsáður blendingur sem birtist í garðinum mínum, sem er greinilega afkomandi skógarvatnsbera afbrigðisins 'Magpie'. Blómliturinn er sá sami, en blómin eru stærri, jafn stór og á garðavatnsberum, svo hitt foreldrið er líklega af þeim meiði. Sporarnir eru innsveigðir eins og á skógarvatnsbera. Mér finnst þessi fallegri en frumgerðin og hann er jafn harðgerður og aðrir vatnsberar.
  • 'Crimson Star ' er fallegt garðaafbrigði með rauðum og kremhvítum blómum, með löngum sporum. Ég keypti þennan í pakka frá Costco 2018 og hann blómstraði í fyrsta sinn núna í sumar. Vatnsberar eru nokkuð skuggþolnir, en þeir þrífast og blómstra betur í sól eða hálfskugga. Einu jarðvegskröfurnar eru að jarðvegurinn sé vel framræstur, en betra er að hann sé frekar frjór líka. Mér fannst vissara að bjóða svona fínni sort upp á bestu skilyrði svo hann lifi nú sem lengst.

gardaflora@gardaflora.is    I     © 2015-2019  Garðaflóra.

  • Facebook App Icon