Dec 29, 2017

Androsace carnea - Fjallaberglykill

0 comments

 

Fjallaberglykill blómstrar snemma, jafnvel í apríl og er með fyrstu blómunum sem birtast í steinhæðinni. Hann kann best við sig í steinhleðslum þar sem vatn rennur vel frá, því hann, eins og flestar aðrar háfjallaplöntur, kann ekki að meta að standa í bleytu á veturna. Hafi hann nægilegt frárennsli er hann vel harðgerður. Hann á það til að sá sér líttilega, en það er í mínum huga bara jákvætt. Þetta er algjör perla.

https://www.gardaflora.is/androsace-carnea

New Posts
  • Mjög fallegt afbrigði af garðavatnsbera með gulum blómum með löngum útsveigðum sporum. Hann hefur reynst mjög blómsæll og stendur lengi í blóma. Því miður hef ég ekkert yrkisnafn. Planta frá Möggu.
  • Þetta er sjálfsáður blendingur sem birtist í garðinum mínum, sem er greinilega afkomandi skógarvatnsbera afbrigðisins 'Magpie'. Blómliturinn er sá sami, en blómin eru stærri, jafn stór og á garðavatnsberum, svo hitt foreldrið er líklega af þeim meiði. Sporarnir eru innsveigðir eins og á skógarvatnsbera. Mér finnst þessi fallegri en frumgerðin og hann er jafn harðgerður og aðrir vatnsberar.
  • 'Crimson Star' er fallegt garðaafbrigði með rauðum og kremhvítum blómum, með löngum sporum. Ég keypti þennan í pakka frá Costco 2018 og hann blómstraði í fyrsta sinn núna í sumar. Vatnsberar eru nokkuð skuggþolnir, en þeir þrífast og blómstra betur í sól eða hálfskugga. Einu jarðvegskröfurnar eru að jarðvegurinn sé vel framræstur, en betra er að hann sé frekar frjór líka. Mér fannst vissara að bjóða svona fínni sort upp á bestu skilyrði svo hann lifi nú sem lengst.

gardaflora@gardaflora.is    I     © 2015-2019  Garðaflóra.

  • Facebook App Icon