Dec 31, 2017

Anemone narcissiflora - Sveipsnotra

1 comment

Edited: Mar 3

 

 

 

Ég sáði sveipsnotrufræi einhverntíma áður en ég flutti 2013, svo hún er búin að vera töluverðan tíma í uppeldi og eiginlega kraftaverk að hún hafi ekki drepist í flutningnum. Hún blómstraði í fyrsta sinn í sumar. Eins og oft vill vera með fystu blómgun kom bara einn blómstöngull, en blómin eru hreinhvít og virkilega falleg. Ég hugsa að hún sé ekki búin að ná fullri stærð enn, svo hún á eftir að láta ljós sitt skína til fulls.

 

 

Hún kom með þrjá blómstöngla sumarið 2018 og er orðin meiri um sig. Hún þrífst greinilega vel, þó hún sé á frekar skuggsælum stað og í frekar þéttum jarðvegi.

 

 

New Posts
  • Mjög fallegt afbrigði af garðavatnsbera með gulum blómum með löngum útsveigðum sporum. Hann hefur reynst mjög blómsæll og stendur lengi í blóma. Því miður hef ég ekkert yrkisnafn. Planta frá Möggu.
  • Þetta er sjálfsáður blendingur sem birtist í garðinum mínum, sem er greinilega afkomandi skógarvatnsbera afbrigðisins 'Magpie'. Blómliturinn er sá sami, en blómin eru stærri, jafn stór og á garðavatnsberum, svo hitt foreldrið er líklega af þeim meiði. Sporarnir eru innsveigðir eins og á skógarvatnsbera. Mér finnst þessi fallegri en frumgerðin og hann er jafn harðgerður og aðrir vatnsberar.
  • 'Crimson Star' er fallegt garðaafbrigði með rauðum og kremhvítum blómum, með löngum sporum. Ég keypti þennan í pakka frá Costco 2018 og hann blómstraði í fyrsta sinn núna í sumar. Vatnsberar eru nokkuð skuggþolnir, en þeir þrífast og blómstra betur í sól eða hálfskugga. Einu jarðvegskröfurnar eru að jarðvegurinn sé vel framræstur, en betra er að hann sé frekar frjór líka. Mér fannst vissara að bjóða svona fínni sort upp á bestu skilyrði svo hann lifi nú sem lengst.

gardaflora@gardaflora.is    I     © 2015-2019  Garðaflóra.

  • Facebook App Icon