Jan 1, 2018

Aquilegia sp. - Vantsberi 'Blár'

0 comments

Edited: 15 hours ago

 

 

 

Þessi yndisfagri vatnsberi kom upp af fræi sem átti að vera eitthvað annað, en ég týndi merkinu svo ég veit ekki hvað það var. Það er mjög líklegt að hann eigi einhverjar rætur að rekja til skógarvatnsbera (A. vulgaris) af sporunum að dæma.

Ég þyrfti að prófa að safna fræi og sjá hvort hann sé fræekta. Og ef svo er, kannski finna skáldlegra nafn á hann.

 

Ég hafði áhyggjur að ég hefði tapað honum í flutningnum, en hann blómstraði í sumar svo það er töggur í honum.

 

Ef einhver á svipaða plöntu og veit hvað hún heitir, endilega deilið því með okkur.

 

 

 

 

New Posts
  • Mjög fallegt afbrigði af garðavatnsbera með gulum blómum með löngum útsveigðum sporum. Hann hefur reynst mjög blómsæll og stendur lengi í blóma. Því miður hef ég ekkert yrkisnafn. Planta frá Möggu.
  • Þetta er sjálfsáður blendingur sem birtist í garðinum mínum, sem er greinilega afkomandi skógarvatnsbera afbrigðisins 'Magpie'. Blómliturinn er sá sami, en blómin eru stærri, jafn stór og á garðavatnsberum, svo hitt foreldrið er líklega af þeim meiði. Sporarnir eru innsveigðir eins og á skógarvatnsbera. Mér finnst þessi fallegri en frumgerðin og hann er jafn harðgerður og aðrir vatnsberar.
  • 'Crimson Star ' er fallegt garðaafbrigði með rauðum og kremhvítum blómum, með löngum sporum. Ég keypti þennan í pakka frá Costco 2018 og hann blómstraði í fyrsta sinn núna í sumar. Vatnsberar eru nokkuð skuggþolnir, en þeir þrífast og blómstra betur í sól eða hálfskugga. Einu jarðvegskröfurnar eru að jarðvegurinn sé vel framræstur, en betra er að hann sé frekar frjór líka. Mér fannst vissara að bjóða svona fínni sort upp á bestu skilyrði svo hann lifi nú sem lengst.

gardaflora@gardaflora.is    I     © 2015-2019  Garðaflóra.

  • Facebook App Icon