Jan 6, 2018

Arabis blepharophylla - Vorskriðnablóm

5 comments

 

Ég fékk litla fræplöntu af vorskriðnablómi frá Möggu 2015. Því miður lifði það ekki veturinn hjá mér, en það blómstraði sínum fallegu, skærbleiku blómum. Ég gróðursetti það í brekkunni, rétt fyrir ofan steinaröðina og moldin hefur sennilega verið of þétt þar. Í ljósi þess að það vex villt í kringum San Francisco í Kaliforníu er líklegt að það kunni illa við vetrarbleytu. Það þarf líklegast vetrarskýli eða mögulega væri reynandi að planta því í steinhleðslu þar sem það er hér um bil lóðrétt svo vatn fellur vel frá því.

 

https://www.gardaflora.is/arabis-blepharophylla

Feb 1, 2018

Já það lifði en ég var með það í gróðurreit. En ég plantaði því í beð í sumar. Minnir að ég hafi skipt því, ef það er rétt munað er sá hluti í gróðurreitnum.

Aug 3, 2018

Í byrjun febrúar var Vorskriðnablómið svona, en því miður hafði það ekki af allan veturinn.

 

En sem betur fer átti ég auka plöntu í gróðurreitnum sem gladdi mig með blómum sínum í júní.

 

Frábært að þú skildir eiga varaplöntu. Þessi vetur var afskalega óhagstæður plöntum sem kunna illa við bleytu.

New Posts
  • Mjög fallegt afbrigði af garðavatnsbera með gulum blómum með löngum útsveigðum sporum. Hann hefur reynst mjög blómsæll og stendur lengi í blóma. Því miður hef ég ekkert yrkisnafn. Planta frá Möggu.
  • Þetta er sjálfsáður blendingur sem birtist í garðinum mínum, sem er greinilega afkomandi skógarvatnsbera afbrigðisins 'Magpie'. Blómliturinn er sá sami, en blómin eru stærri, jafn stór og á garðavatnsberum, svo hitt foreldrið er líklega af þeim meiði. Sporarnir eru innsveigðir eins og á skógarvatnsbera. Mér finnst þessi fallegri en frumgerðin og hann er jafn harðgerður og aðrir vatnsberar.
  • 'Crimson Star ' er fallegt garðaafbrigði með rauðum og kremhvítum blómum, með löngum sporum. Ég keypti þennan í pakka frá Costco 2018 og hann blómstraði í fyrsta sinn núna í sumar. Vatnsberar eru nokkuð skuggþolnir, en þeir þrífast og blómstra betur í sól eða hálfskugga. Einu jarðvegskröfurnar eru að jarðvegurinn sé vel framræstur, en betra er að hann sé frekar frjór líka. Mér fannst vissara að bjóða svona fínni sort upp á bestu skilyrði svo hann lifi nú sem lengst.

gardaflora@gardaflora.is    I     © 2015-2019  Garðaflóra.

  • Facebook App Icon