Jan 21, 2018

Campanula alliariifolia - Vaxklukka

0 comments

 

Vaxklukka er falleg, meðalhá bláklukkutegund með rjómahvítum blómum. Hún er harðgerð og gerir engar sérstakar jarðvegskröfur. Hún verður fallegust á sólríkum stað, þó hún þoli nokkurn skugga, en ef skugginn er of mikill kemur það niður á blómguninni.

 

Ég hef átt þessa pöntu í mörg ár. Ég ræktaði hana af fræi og var með þrjár plöntur á mismunandi stöðum í garðinum. Þessi á myndinni var í rósabeðinu þar sem sólin skein mest allan daginn og hún blómstraði mun betur en sú sem var í meiri skugga.

 

New Posts
  • Mjög fallegt afbrigði af garðavatnsbera með gulum blómum með löngum útsveigðum sporum. Hann hefur reynst mjög blómsæll og stendur lengi í blóma. Því miður hef ég ekkert yrkisnafn. Planta frá Möggu.
  • Þetta er sjálfsáður blendingur sem birtist í garðinum mínum, sem er greinilega afkomandi skógarvatnsbera afbrigðisins 'Magpie'. Blómliturinn er sá sami, en blómin eru stærri, jafn stór og á garðavatnsberum, svo hitt foreldrið er líklega af þeim meiði. Sporarnir eru innsveigðir eins og á skógarvatnsbera. Mér finnst þessi fallegri en frumgerðin og hann er jafn harðgerður og aðrir vatnsberar.
  • 'Crimson Star' er fallegt garðaafbrigði með rauðum og kremhvítum blómum, með löngum sporum. Ég keypti þennan í pakka frá Costco 2018 og hann blómstraði í fyrsta sinn núna í sumar. Vatnsberar eru nokkuð skuggþolnir, en þeir þrífast og blómstra betur í sól eða hálfskugga. Einu jarðvegskröfurnar eru að jarðvegurinn sé vel framræstur, en betra er að hann sé frekar frjór líka. Mér fannst vissara að bjóða svona fínni sort upp á bestu skilyrði svo hann lifi nú sem lengst.

gardaflora@gardaflora.is    I     © 2015-2019  Garðaflóra.

  • Facebook App Icon