Jan 24, 2018

Campanula latifolia 'Alba' - Risaklukka

3 comments

 

 

 

'Alba' er yndisfagurt yrki af risaklukku með snjóhvítum blómum. Knúpparnir eru með fjólublárri slikju og blómbotninn er svo dökkfjólublár að hann er nánast svartur. Hún er nokkuð lægri en þessi fjólubláa og hefur staðið nokkuð keik hjá mér án stuðnings. Þessi er algjör perla.

Jan 24, 2018Edited: Jan 24, 2018

Sú er falleg 💗. Eru blómin opnari en á þeirri fjólubláu?

Jan 24, 2018

Virkilega falleg.

New Posts
  • Mjög fallegt afbrigði af garðavatnsbera með gulum blómum með löngum útsveigðum sporum. Hann hefur reynst mjög blómsæll og stendur lengi í blóma. Því miður hef ég ekkert yrkisnafn. Planta frá Möggu.
  • Þetta er sjálfsáður blendingur sem birtist í garðinum mínum, sem er greinilega afkomandi skógarvatnsbera afbrigðisins 'Magpie'. Blómliturinn er sá sami, en blómin eru stærri, jafn stór og á garðavatnsberum, svo hitt foreldrið er líklega af þeim meiði. Sporarnir eru innsveigðir eins og á skógarvatnsbera. Mér finnst þessi fallegri en frumgerðin og hann er jafn harðgerður og aðrir vatnsberar.
  • 'Crimson Star' er fallegt garðaafbrigði með rauðum og kremhvítum blómum, með löngum sporum. Ég keypti þennan í pakka frá Costco 2018 og hann blómstraði í fyrsta sinn núna í sumar. Vatnsberar eru nokkuð skuggþolnir, en þeir þrífast og blómstra betur í sól eða hálfskugga. Einu jarðvegskröfurnar eru að jarðvegurinn sé vel framræstur, en betra er að hann sé frekar frjór líka. Mér fannst vissara að bjóða svona fínni sort upp á bestu skilyrði svo hann lifi nú sem lengst.

gardaflora@gardaflora.is    I     © 2015-2019  Garðaflóra.

  • Facebook App Icon