Feb 16, 2018

Dodecatheon pulchellum 'Red Wings' - Skriðugoðalykill

0 comments

 

Skriðugoðalykill 'Red Wings' er lágvaxinn og mjög áþekkur hlíðagoðalykli í útliti. Hann þrífst best við sömu skilyrði og hinar tegundirnar, vel framræstan, en þó rakan jarðveg og sól a.m.k. part úr degi. Hann þrífst ágætlega og blómstrar í júní eins og hinir.

Goðalyklar visna og leggjast í dvala í heimkynnum sínum eftir blómgun og skriðugoðalykill gerir það hér. Það þarf því ekki að örvænta þegar hann fer að veslast upp eftir blómgun, hann kemur upp aftur að ári.

 

'Red Wings' er sort með dökkbleikum blómum. Mín planta er ræktuð af fræi svo ég hef ekki 100% vissu fyrir því að hún sé þessi sort, en fræið var merkt henni.

New Posts
  • Mjög fallegt afbrigði af garðavatnsbera með gulum blómum með löngum útsveigðum sporum. Hann hefur reynst mjög blómsæll og stendur lengi í blóma. Því miður hef ég ekkert yrkisnafn. Planta frá Möggu.
  • Þetta er sjálfsáður blendingur sem birtist í garðinum mínum, sem er greinilega afkomandi skógarvatnsbera afbrigðisins 'Magpie'. Blómliturinn er sá sami, en blómin eru stærri, jafn stór og á garðavatnsberum, svo hitt foreldrið er líklega af þeim meiði. Sporarnir eru innsveigðir eins og á skógarvatnsbera. Mér finnst þessi fallegri en frumgerðin og hann er jafn harðgerður og aðrir vatnsberar.
  • 'Crimson Star' er fallegt garðaafbrigði með rauðum og kremhvítum blómum, með löngum sporum. Ég keypti þennan í pakka frá Costco 2018 og hann blómstraði í fyrsta sinn núna í sumar. Vatnsberar eru nokkuð skuggþolnir, en þeir þrífast og blómstra betur í sól eða hálfskugga. Einu jarðvegskröfurnar eru að jarðvegurinn sé vel framræstur, en betra er að hann sé frekar frjór líka. Mér fannst vissara að bjóða svona fínni sort upp á bestu skilyrði svo hann lifi nú sem lengst.

gardaflora@gardaflora.is    I     © 2015-2019  Garðaflóra.

  • Facebook App Icon