Vorboði blómstrar mjög snemma og er með fyrstu blómum til að blómstra á vorin. Hann þarf góð skilyrði til að þrífast vel - hann þarf vel moltublandaðan jarðveg sem er jafnrakur og hann þarf góðan skammt af kalki. Hann þolir ekki þurrk. Hann er vandgæfur og getur orðið skammlífur ef maður nær ekki réttu jarðvegsblöndunni handa honum. Þetta er eitruð planta, allir hlutar eru eitraðir.