Feb 27, 2018

Eryngium alpinum - Alpaþyrnir

0 comments

Edited: Feb 27, 2018

 

Alpaþyrnir er stórglæsilegur í blóma og dregur að sér athygli langt að. Bikarblöðin eru aðalskraut plöntunnar, þau eru græn í fyrstu en blána svo með tímanum. Hægt er að þurrka blómskipunina í blómaskreytingar. Alpaþyrnir er auðræktaður og gerir engar sérstakar jarðvegskröfur. Hann er mjög harðgerður og þarf ekki stuðning. Hann þarf þó sól part úr degi.

Það er auðvelt að fjölga honum með rótarbútum. Ég færði minn úr stað og þar sem hann hafði staðið komu upp allnokkrar plöntur upp af rótarbútum sem höfðu orðið eftir.

New Posts
  • Mjög fallegt afbrigði af garðavatnsbera með gulum blómum með löngum útsveigðum sporum. Hann hefur reynst mjög blómsæll og stendur lengi í blóma. Því miður hef ég ekkert yrkisnafn. Planta frá Möggu.
  • Þetta er sjálfsáður blendingur sem birtist í garðinum mínum, sem er greinilega afkomandi skógarvatnsbera afbrigðisins 'Magpie'. Blómliturinn er sá sami, en blómin eru stærri, jafn stór og á garðavatnsberum, svo hitt foreldrið er líklega af þeim meiði. Sporarnir eru innsveigðir eins og á skógarvatnsbera. Mér finnst þessi fallegri en frumgerðin og hann er jafn harðgerður og aðrir vatnsberar.
  • 'Crimson Star ' er fallegt garðaafbrigði með rauðum og kremhvítum blómum, með löngum sporum. Ég keypti þennan í pakka frá Costco 2018 og hann blómstraði í fyrsta sinn núna í sumar. Vatnsberar eru nokkuð skuggþolnir, en þeir þrífast og blómstra betur í sól eða hálfskugga. Einu jarðvegskröfurnar eru að jarðvegurinn sé vel framræstur, en betra er að hann sé frekar frjór líka. Mér fannst vissara að bjóða svona fínni sort upp á bestu skilyrði svo hann lifi nú sem lengst.

gardaflora@gardaflora.is    I     © 2015-2019  Garðaflóra.

  • Facebook App Icon