May 6, 2018

Erythranthe guttata - Apablóm

1 comment

 

Apablóm hafði áður fræðiheitið Mimulus guttatus og tilheyrði grímublómaætt. En það hafa verið miklar breytingar á þeirri ætt sérstaklega og nú tilheyrir það ættinni Phrymaceae og hefur verið fært í nýja ættkvísl, Erythranthe.

Ég ræktaði apablóm af fræi fyrir nokkrum árum og það lifði ekki. En það vex sem slæðingur á nokkrum stöðum hér á landi, m.a. við Lækinn í Hafnarfirði. Ég náði mér í plöntu þangað og hún lifir góðu lífi, enda er jarðvegurinn í þessum garði mjög rakaheldinn. Apablóm kýs rakan jarðveg, og vex helst á lækjarbökkum eða í mýrlendi í heimkynnum sínum í sól eða hálfskugga.

May 27, 2018

Ég åtti apablóm í mörg ár. Það var bæði gult með dökkrauðum dröfnum og lika dumbrautt með gulu. Það stóð sig vel og fjölgaði sér með sjálfsáningu.

New Posts
  • Mjög fallegt afbrigði af garðavatnsbera með gulum blómum með löngum útsveigðum sporum. Hann hefur reynst mjög blómsæll og stendur lengi í blóma. Því miður hef ég ekkert yrkisnafn. Planta frá Möggu.
  • Þetta er sjálfsáður blendingur sem birtist í garðinum mínum, sem er greinilega afkomandi skógarvatnsbera afbrigðisins 'Magpie'. Blómliturinn er sá sami, en blómin eru stærri, jafn stór og á garðavatnsberum, svo hitt foreldrið er líklega af þeim meiði. Sporarnir eru innsveigðir eins og á skógarvatnsbera. Mér finnst þessi fallegri en frumgerðin og hann er jafn harðgerður og aðrir vatnsberar.
  • 'Crimson Star' er fallegt garðaafbrigði með rauðum og kremhvítum blómum, með löngum sporum. Ég keypti þennan í pakka frá Costco 2018 og hann blómstraði í fyrsta sinn núna í sumar. Vatnsberar eru nokkuð skuggþolnir, en þeir þrífast og blómstra betur í sól eða hálfskugga. Einu jarðvegskröfurnar eru að jarðvegurinn sé vel framræstur, en betra er að hann sé frekar frjór líka. Mér fannst vissara að bjóða svona fínni sort upp á bestu skilyrði svo hann lifi nú sem lengst.

gardaflora@gardaflora.is    I     © 2015-2019  Garðaflóra.

  • Facebook App Icon