Mar 1, 2018

Euphorbia longifolia 'Amjillasa'

1 comment

 

 

Mér hefur ekki tekist að finna nafn á þessa fallegu tegund af mjólkurjurt. Ég ræktaði hana af fræi frá Thompson & Morgan fyrir tveimur árum og blómstraði hún í fyrra. 'Amjillasa' er virkilega glæsileg tegund, sem þarf ekki stuðning. Hún þarf sólríkan stað og vel framræsta, moltublandaða mold. Beðið sem hún er í hefur verið á kafi í vatni á köflum í vetur, svo ég hef smá áhyggjur af því að hún lifi ekki veturinn af.

Hún þoldi ekki rigningar vetrarins í fyrra, svo hún lifði ekki. Langar að prófa hana aftur, ef ég rekst aftur á fræ af henni. Hún þarf semsagt mjög gott frárennsli og vill ekki standa í vatni.

New Posts
  • Mjög fallegt afbrigði af garðavatnsbera með gulum blómum með löngum útsveigðum sporum. Hann hefur reynst mjög blómsæll og stendur lengi í blóma. Því miður hef ég ekkert yrkisnafn. Planta frá Möggu.
  • Þetta er sjálfsáður blendingur sem birtist í garðinum mínum, sem er greinilega afkomandi skógarvatnsbera afbrigðisins 'Magpie'. Blómliturinn er sá sami, en blómin eru stærri, jafn stór og á garðavatnsberum, svo hitt foreldrið er líklega af þeim meiði. Sporarnir eru innsveigðir eins og á skógarvatnsbera. Mér finnst þessi fallegri en frumgerðin og hann er jafn harðgerður og aðrir vatnsberar.
  • 'Crimson Star ' er fallegt garðaafbrigði með rauðum og kremhvítum blómum, með löngum sporum. Ég keypti þennan í pakka frá Costco 2018 og hann blómstraði í fyrsta sinn núna í sumar. Vatnsberar eru nokkuð skuggþolnir, en þeir þrífast og blómstra betur í sól eða hálfskugga. Einu jarðvegskröfurnar eru að jarðvegurinn sé vel framræstur, en betra er að hann sé frekar frjór líka. Mér fannst vissara að bjóða svona fínni sort upp á bestu skilyrði svo hann lifi nú sem lengst.

gardaflora@gardaflora.is    I     © 2015-2019  Garðaflóra.

  • Facebook App Icon