Mar 11, 2018

Geum coccineum 'Prince of Orange' - Skarlatsfífill

0 comments

 

Skarlatsfífill er harðgerður og auðræktaður, en þrífst best í sól. Hann er svolítið viðkvæmur fyrir grámyglu. Ég ræktaði þessa plöntu af fræi merktu 'Prince of Orange' en ég held að minn sé gulari en hann á að vera. Samkvæmt síðu Lystigarðs Akureyrar á hann að vera dökk appelsínurauður, en ég finn ekki miklar upplýsingar um þetta yrki á netinu. Hann var þó ljómandi fallegur, en varð myglu að bráð, þrátt fyrir að hafa verið á sæmilega sólríkum stað.

New Posts
  • Mjög fallegt afbrigði af garðavatnsbera með gulum blómum með löngum útsveigðum sporum. Hann hefur reynst mjög blómsæll og stendur lengi í blóma. Því miður hef ég ekkert yrkisnafn. Planta frá Möggu.
  • Þetta er sjálfsáður blendingur sem birtist í garðinum mínum, sem er greinilega afkomandi skógarvatnsbera afbrigðisins 'Magpie'. Blómliturinn er sá sami, en blómin eru stærri, jafn stór og á garðavatnsberum, svo hitt foreldrið er líklega af þeim meiði. Sporarnir eru innsveigðir eins og á skógarvatnsbera. Mér finnst þessi fallegri en frumgerðin og hann er jafn harðgerður og aðrir vatnsberar.
  • 'Crimson Star ' er fallegt garðaafbrigði með rauðum og kremhvítum blómum, með löngum sporum. Ég keypti þennan í pakka frá Costco 2018 og hann blómstraði í fyrsta sinn núna í sumar. Vatnsberar eru nokkuð skuggþolnir, en þeir þrífast og blómstra betur í sól eða hálfskugga. Einu jarðvegskröfurnar eru að jarðvegurinn sé vel framræstur, en betra er að hann sé frekar frjór líka. Mér fannst vissara að bjóða svona fínni sort upp á bestu skilyrði svo hann lifi nú sem lengst.

gardaflora@gardaflora.is    I     © 2015-2019  Garðaflóra.

  • Facebook App Icon