Mar 26, 2018

Lamium album - Ljósatvítönn

5 comments

 

Ljósatvítönn blómstrar hvítum blómum og hefur grænt lauf. Hún er harðgerð og dugleg að dreifa úr sér, hún bæði skríður og sáir sér, svo hún jaðrar við að vera illgresi.

Mar 26, 2018Edited: Mar 27, 2018

Hmm, já, en ég gæti vel hugsað mér hana skríðandi á milli þúfna í móanum hjá mér.😄 Amma í sveitinni💗 átti meðal annars ljósatvítönn í blómsturgarðinum sinum, en mig minnir að hún hafi vaxið meira upprétt en þessi

Hún er nokkuð upprétt, held hún nái allavega 30 cm hæð, jafnvel meira. Ég held að ég sé búin að reita hana alla í burtu, en ef ég finn anga skal ég hafa þig í huga. Hún er dugleg að sá sér.

Mar 27, 2018

Takk Rannveig. Ėg held að hún myndi ekki ná að sá sér mikið hjá mér fyrir austan. Allt þéttvaxið mosa og grasi svo að fræ ættu liklega erfitt með að ná i mold, en hún gæti skriðið og það mætti hún, ég er ekki hrædd um að hún yfirtæki móann

Magga - mér hefur ekki tekist að uppræta ljósatvítönnina alveg, svo ég á plöntu handa þér :)

May 22, 2018Edited: May 22, 2018

þakka þér fyrir Rannveig mín, ég þigg það. Það var sorglegt þegar gamla húsið í sveitinni var rifið, þá var allt jafnað við jörðu og sléttað út. Fallegi garðurinn hvarf. Ég hef gaman af að hafa þessi gömlu harðgerðu blóm innan um birkið í móanum.

New Posts
  • Mjög fallegt afbrigði af garðavatnsbera með gulum blómum með löngum útsveigðum sporum. Hann hefur reynst mjög blómsæll og stendur lengi í blóma. Því miður hef ég ekkert yrkisnafn. Planta frá Möggu.
  • Þetta er sjálfsáður blendingur sem birtist í garðinum mínum, sem er greinilega afkomandi skógarvatnsbera afbrigðisins 'Magpie'. Blómliturinn er sá sami, en blómin eru stærri, jafn stór og á garðavatnsberum, svo hitt foreldrið er líklega af þeim meiði. Sporarnir eru innsveigðir eins og á skógarvatnsbera. Mér finnst þessi fallegri en frumgerðin og hann er jafn harðgerður og aðrir vatnsberar.
  • 'Crimson Star ' er fallegt garðaafbrigði með rauðum og kremhvítum blómum, með löngum sporum. Ég keypti þennan í pakka frá Costco 2018 og hann blómstraði í fyrsta sinn núna í sumar. Vatnsberar eru nokkuð skuggþolnir, en þeir þrífast og blómstra betur í sól eða hálfskugga. Einu jarðvegskröfurnar eru að jarðvegurinn sé vel framræstur, en betra er að hann sé frekar frjór líka. Mér fannst vissara að bjóða svona fínni sort upp á bestu skilyrði svo hann lifi nú sem lengst.

gardaflora@gardaflora.is    I     © 2015-2019  Garðaflóra.

  • Facebook App Icon