Mar 28, 2018

Lamium maculatum 'Beacon Silver' - Dílatvítönn

2 comments

 

 

'Beacon Silver' er yrki af dílatvítönn með silfruðu laufi og ljósbleikum blómum. Það er mun settlegra en tegundin, bæði að umfangi og hæð. Það er ekki alveg eins skuggþolið og þrífst betur í hálfskugga en skugga. Það er annars harðgert og gerir engar sérstakar jarðvegkröfur.

 

Mar 28, 2018

’Beacon Silver’ er ákaflega skemmtilegt og mjög viðráðanlegt yrki af dílatvítönn. Mig minnir að ég eigi það líka með hvítum blómum.

Ef þú átt yrki með hvítum blómum þurfum við að tala saman um plöntuskiptasamning ;)

New Posts
  • Mjög fallegt afbrigði af garðavatnsbera með gulum blómum með löngum útsveigðum sporum. Hann hefur reynst mjög blómsæll og stendur lengi í blóma. Því miður hef ég ekkert yrkisnafn. Planta frá Möggu.
  • Þetta er sjálfsáður blendingur sem birtist í garðinum mínum, sem er greinilega afkomandi skógarvatnsbera afbrigðisins 'Magpie'. Blómliturinn er sá sami, en blómin eru stærri, jafn stór og á garðavatnsberum, svo hitt foreldrið er líklega af þeim meiði. Sporarnir eru innsveigðir eins og á skógarvatnsbera. Mér finnst þessi fallegri en frumgerðin og hann er jafn harðgerður og aðrir vatnsberar.
  • 'Crimson Star ' er fallegt garðaafbrigði með rauðum og kremhvítum blómum, með löngum sporum. Ég keypti þennan í pakka frá Costco 2018 og hann blómstraði í fyrsta sinn núna í sumar. Vatnsberar eru nokkuð skuggþolnir, en þeir þrífast og blómstra betur í sól eða hálfskugga. Einu jarðvegskröfurnar eru að jarðvegurinn sé vel framræstur, en betra er að hann sé frekar frjór líka. Mér fannst vissara að bjóða svona fínni sort upp á bestu skilyrði svo hann lifi nú sem lengst.

gardaflora@gardaflora.is    I     © 2015-2019  Garðaflóra.

  • Facebook App Icon