Mar 28, 2018

Lamium maculatum 'Silfra' - Dílatvítönn

0 comments

 

'Silfra' er sjálfsáður blendingur sem ég fann í garðinum í fyrra sumar. Hún er með áberandi hvítsilfruðu laufi, með örmjórri grænni bryddingu. Lögunin á laufinu er heldur kringuleitara en á dílatvítönninni, minnir svolítið á ljósatvítönn. Ég beið því spennt að sjá hvort blómliturinn yrði hvítur, en hann varð purpurarauður eins og á dílatvítönn. Blómin eru heldur stærri og með hvítu mynstri á neðri vörinni. Plantan er enn svo ung að það á eftir að koma í ljós hversu stór hún verður. Enn sem komið er er hún nokkuð jarðlæg, blómstöngullinn var skástæður en ekki uppréttur. Þessi lofar góðu.

New Posts
  • Mjög fallegt afbrigði af garðavatnsbera með gulum blómum með löngum útsveigðum sporum. Hann hefur reynst mjög blómsæll og stendur lengi í blóma. Því miður hef ég ekkert yrkisnafn. Planta frá Möggu.
  • Þetta er sjálfsáður blendingur sem birtist í garðinum mínum, sem er greinilega afkomandi skógarvatnsbera afbrigðisins 'Magpie'. Blómliturinn er sá sami, en blómin eru stærri, jafn stór og á garðavatnsberum, svo hitt foreldrið er líklega af þeim meiði. Sporarnir eru innsveigðir eins og á skógarvatnsbera. Mér finnst þessi fallegri en frumgerðin og hann er jafn harðgerður og aðrir vatnsberar.
  • 'Crimson Star' er fallegt garðaafbrigði með rauðum og kremhvítum blómum, með löngum sporum. Ég keypti þennan í pakka frá Costco 2018 og hann blómstraði í fyrsta sinn núna í sumar. Vatnsberar eru nokkuð skuggþolnir, en þeir þrífast og blómstra betur í sól eða hálfskugga. Einu jarðvegskröfurnar eru að jarðvegurinn sé vel framræstur, en betra er að hann sé frekar frjór líka. Mér fannst vissara að bjóða svona fínni sort upp á bestu skilyrði svo hann lifi nú sem lengst.

gardaflora@gardaflora.is    I     © 2015-2019  Garðaflóra.

  • Facebook App Icon