Mar 30, 2018

Lewisia columbiana - Geislablaðka

0 comments

Edited: Sep 6

 

Fjallablöðkur (Lewisia) vaxa allar í fjöllum í NV-Ameríku. Þar vaxa þær í grjótskriðum hátt til fjalla þar sem þær eru huldar snjó allan veturinn. Þær þola því illa vetrarumhleypinga og þurfa mjög gott frárennsli til að lifa af blauta veturnar hér fyrir sunnan. Mín reynsla er að þær eigi besta möguleika á að lifa úti séu þær í miklum halla, helst lóðréttar t.d. í grjóthleðslu. Svo hefur líka reynst vel að rækta þær í pottum og geyma í skjóli frá rigningu yfir vetrarmánuðina. Geislablaðka er frekar smávaxin og blómstrar rauðfjólubláum blómum.

New Posts
  • Mjög fallegt afbrigði af garðavatnsbera með gulum blómum með löngum útsveigðum sporum. Hann hefur reynst mjög blómsæll og stendur lengi í blóma. Því miður hef ég ekkert yrkisnafn. Planta frá Möggu.
  • Þetta er sjálfsáður blendingur sem birtist í garðinum mínum, sem er greinilega afkomandi skógarvatnsbera afbrigðisins 'Magpie'. Blómliturinn er sá sami, en blómin eru stærri, jafn stór og á garðavatnsberum, svo hitt foreldrið er líklega af þeim meiði. Sporarnir eru innsveigðir eins og á skógarvatnsbera. Mér finnst þessi fallegri en frumgerðin og hann er jafn harðgerður og aðrir vatnsberar.
  • 'Crimson Star' er fallegt garðaafbrigði með rauðum og kremhvítum blómum, með löngum sporum. Ég keypti þennan í pakka frá Costco 2018 og hann blómstraði í fyrsta sinn núna í sumar. Vatnsberar eru nokkuð skuggþolnir, en þeir þrífast og blómstra betur í sól eða hálfskugga. Einu jarðvegskröfurnar eru að jarðvegurinn sé vel framræstur, en betra er að hann sé frekar frjór líka. Mér fannst vissara að bjóða svona fínni sort upp á bestu skilyrði svo hann lifi nú sem lengst.

gardaflora@gardaflora.is    I     © 2015-2019  Garðaflóra.

  • Facebook App Icon