Mar 31, 2018

Lewisia cotyledon 'Soranda' - Stjörnublaðka

0 comments

 

Stjörnublaðka 'Soranda' er hópur blendinga í blönduðum blómlitum. Blómin eru í ýmsum bleikum og rauðbleikum litbrigðum og jaðrar krónublaðanna eru í ljósari lit, hvítum, fölbleikum eða fölgulum. Þær þrifust ljómandi vel í steinhleðslu í gamla garðinum, en þær eru flestar að gefast upp á lífinu í brekkunni í nýja garðinum. Þessi á myndinni er í skjóli undir steini sem virkar eins og regnhlíf og er sú eina sem blómstraði í fyrra.

New Posts
  • Mjög fallegt afbrigði af garðavatnsbera með gulum blómum með löngum útsveigðum sporum. Hann hefur reynst mjög blómsæll og stendur lengi í blóma. Því miður hef ég ekkert yrkisnafn. Planta frá Möggu.
  • Þetta er sjálfsáður blendingur sem birtist í garðinum mínum, sem er greinilega afkomandi skógarvatnsbera afbrigðisins 'Magpie'. Blómliturinn er sá sami, en blómin eru stærri, jafn stór og á garðavatnsberum, svo hitt foreldrið er líklega af þeim meiði. Sporarnir eru innsveigðir eins og á skógarvatnsbera. Mér finnst þessi fallegri en frumgerðin og hann er jafn harðgerður og aðrir vatnsberar.
  • 'Crimson Star' er fallegt garðaafbrigði með rauðum og kremhvítum blómum, með löngum sporum. Ég keypti þennan í pakka frá Costco 2018 og hann blómstraði í fyrsta sinn núna í sumar. Vatnsberar eru nokkuð skuggþolnir, en þeir þrífast og blómstra betur í sól eða hálfskugga. Einu jarðvegskröfurnar eru að jarðvegurinn sé vel framræstur, en betra er að hann sé frekar frjór líka. Mér fannst vissara að bjóða svona fínni sort upp á bestu skilyrði svo hann lifi nú sem lengst.

gardaflora@gardaflora.is    I     © 2015-2019  Garðaflóra.

  • Facebook App Icon