Apr 11, 2018

Lilja 'Mona Lisa'

0 comments

 

'Mona Lisa' er austurlandablendingur (Oriental) með ljósbleikum blómum sem eru með dökkbleikan flekk og dröfnur í miðju blómsins. Helstu einkenni austurlandablendinga eru mjög stór, ilmandi blóm og frekar breitt lauf. Þeir blómstra um það leiti sem asíublendingarnir eru að klára blómgun, í lok ágúst. Blómin eru yfirleitt í hvítum, bleikum eða fölgulum litbrigðum með dekkri dröfnum. Þeir geta orðið mun hávaxnari en asíublendingarnir, en 'Mona Lisa' varð nú aldrei mjög há í loftinu. Hún lifði í nokkur ár, en blómstraði ekki alltaf.

New Posts
  • Mjög fallegt afbrigði af garðavatnsbera með gulum blómum með löngum útsveigðum sporum. Hann hefur reynst mjög blómsæll og stendur lengi í blóma. Því miður hef ég ekkert yrkisnafn. Planta frá Möggu.
  • Þetta er sjálfsáður blendingur sem birtist í garðinum mínum, sem er greinilega afkomandi skógarvatnsbera afbrigðisins 'Magpie'. Blómliturinn er sá sami, en blómin eru stærri, jafn stór og á garðavatnsberum, svo hitt foreldrið er líklega af þeim meiði. Sporarnir eru innsveigðir eins og á skógarvatnsbera. Mér finnst þessi fallegri en frumgerðin og hann er jafn harðgerður og aðrir vatnsberar.
  • 'Crimson Star' er fallegt garðaafbrigði með rauðum og kremhvítum blómum, með löngum sporum. Ég keypti þennan í pakka frá Costco 2018 og hann blómstraði í fyrsta sinn núna í sumar. Vatnsberar eru nokkuð skuggþolnir, en þeir þrífast og blómstra betur í sól eða hálfskugga. Einu jarðvegskröfurnar eru að jarðvegurinn sé vel framræstur, en betra er að hann sé frekar frjór líka. Mér fannst vissara að bjóða svona fínni sort upp á bestu skilyrði svo hann lifi nú sem lengst.

gardaflora@gardaflora.is    I     © 2015-2019  Garðaflóra.

  • Facebook App Icon