Apr 14, 2018

Lotus corniculatus - Maríuskór

1 comment

 

Maríuskór vex víða um Evrópu í rýru graslendi og er sumstaðar talinn ágeng tegund. Hann er sagður harðgerður hér en vildi nú ekki lifa hjá mér af einhverjum ástæðum. Hann þrífst best í sól, í vel framræstum, frekar rýrum, kalkríkum jarðvegi. Hann þolir illa bleytu, súran jarðveg og hátt niturinnihald í jarðvegi og hverfur oft úr graslendi ef það er bætt með áburði. Hann hefur verið prófaður í uppgræðsluverkefnum hérlendis og hefur reynst ágætlega við þau skilyrði.

Apr 18, 2018

Maríuskór vex víða villtur á rýru landi hér á suðvestur horninu

New Posts
  • Mjög fallegt afbrigði af garðavatnsbera með gulum blómum með löngum útsveigðum sporum. Hann hefur reynst mjög blómsæll og stendur lengi í blóma. Því miður hef ég ekkert yrkisnafn. Planta frá Möggu.
  • Þetta er sjálfsáður blendingur sem birtist í garðinum mínum, sem er greinilega afkomandi skógarvatnsbera afbrigðisins 'Magpie'. Blómliturinn er sá sami, en blómin eru stærri, jafn stór og á garðavatnsberum, svo hitt foreldrið er líklega af þeim meiði. Sporarnir eru innsveigðir eins og á skógarvatnsbera. Mér finnst þessi fallegri en frumgerðin og hann er jafn harðgerður og aðrir vatnsberar.
  • 'Crimson Star ' er fallegt garðaafbrigði með rauðum og kremhvítum blómum, með löngum sporum. Ég keypti þennan í pakka frá Costco 2018 og hann blómstraði í fyrsta sinn núna í sumar. Vatnsberar eru nokkuð skuggþolnir, en þeir þrífast og blómstra betur í sól eða hálfskugga. Einu jarðvegskröfurnar eru að jarðvegurinn sé vel framræstur, en betra er að hann sé frekar frjór líka. Mér fannst vissara að bjóða svona fínni sort upp á bestu skilyrði svo hann lifi nú sem lengst.

gardaflora@gardaflora.is    I     © 2015-2019  Garðaflóra.

  • Facebook App Icon