Apr 14, 2018

Lupinus polyphyllus - Garðalúpína

1 comment

 

Garðalúpína vex villt um vestanverð Bandaríkin og blómstrar yfirleitt bláum blómum. Ég átti garðaafbrigði með bleikum blómum sem var mjög harðgert og langlíft. Garðalúpína er ágengur slæðingur víða í Evrópu og á Nýja-Sjálandi, líkt og alaskalúpínan er hér. Hún er önnur tegundin sem notuð var til að ná fram hinum litríku skrautlúpínum.

Apr 18, 2018

Ég hefði áhuga a að prófa þessa tegund í Jarphaga, svona til mótvægis við Alaskalúpínuna sem við sáðum í nokkra uppblásna hóla í Jarphaganum. Getur verið að garðalúpúnan/fjölblaðalúpínan þoli heldur frjórri jarðveg en ”sú bláa” en sú hefur haldið sig að mestu í þessum flögum sem henni var sáð í.

New Posts
  • Mjög fallegt afbrigði af garðavatnsbera með gulum blómum með löngum útsveigðum sporum. Hann hefur reynst mjög blómsæll og stendur lengi í blóma. Því miður hef ég ekkert yrkisnafn. Planta frá Möggu.
  • Þetta er sjálfsáður blendingur sem birtist í garðinum mínum, sem er greinilega afkomandi skógarvatnsbera afbrigðisins 'Magpie'. Blómliturinn er sá sami, en blómin eru stærri, jafn stór og á garðavatnsberum, svo hitt foreldrið er líklega af þeim meiði. Sporarnir eru innsveigðir eins og á skógarvatnsbera. Mér finnst þessi fallegri en frumgerðin og hann er jafn harðgerður og aðrir vatnsberar.
  • 'Crimson Star' er fallegt garðaafbrigði með rauðum og kremhvítum blómum, með löngum sporum. Ég keypti þennan í pakka frá Costco 2018 og hann blómstraði í fyrsta sinn núna í sumar. Vatnsberar eru nokkuð skuggþolnir, en þeir þrífast og blómstra betur í sól eða hálfskugga. Einu jarðvegskröfurnar eru að jarðvegurinn sé vel framræstur, en betra er að hann sé frekar frjór líka. Mér fannst vissara að bjóða svona fínni sort upp á bestu skilyrði svo hann lifi nú sem lengst.

gardaflora@gardaflora.is    I     © 2015-2019  Garðaflóra.

  • Facebook App Icon