Jun 3, 2018

Paeonia officinalis 'Rosea Plena' - Bóndarós

2 comments

 

'Rosea Plena' er yrki af bóndarós með fylltum, bleikum blómum sem hefur verið lengi í ræktun. Það er að öllu leiti eins og rauða yrkið fyrir utan blómlitinn.

Jun 5, 2018

Ég hef átt rauðar bóndarósir í mörg ár, en hef ekki rekist á þessa bleiku í gróðrarstöðvum. Líklega hef ég verið að leita að einhverju öðru og gleymt að gá að þessum fallegu bleiku.

Jun 5, 2018Edited: Jun 5, 2018

Þessi vex í garði foreldra minna. Þau eiga bæði rauðu og bleiku. Svo óx hvít fyllt í garði fyrrverandi tengdaömmu minnar sem ég sé mikið eftir að hafa ekki fengið bút af þegar hún seldi húsið sitt. Sú var mjög falleg, hvít með smá bleikri slikju. Ég hef enn ekki orðið svo fræg að eignast venjulega bóndarós - allt sem ég hef keypt eru silkibóndarósir.

New Posts
  • Mjög fallegt afbrigði af garðavatnsbera með gulum blómum með löngum útsveigðum sporum. Hann hefur reynst mjög blómsæll og stendur lengi í blóma. Því miður hef ég ekkert yrkisnafn. Planta frá Möggu.
  • Þetta er sjálfsáður blendingur sem birtist í garðinum mínum, sem er greinilega afkomandi skógarvatnsbera afbrigðisins 'Magpie'. Blómliturinn er sá sami, en blómin eru stærri, jafn stór og á garðavatnsberum, svo hitt foreldrið er líklega af þeim meiði. Sporarnir eru innsveigðir eins og á skógarvatnsbera. Mér finnst þessi fallegri en frumgerðin og hann er jafn harðgerður og aðrir vatnsberar.
  • 'Crimson Star ' er fallegt garðaafbrigði með rauðum og kremhvítum blómum, með löngum sporum. Ég keypti þennan í pakka frá Costco 2018 og hann blómstraði í fyrsta sinn núna í sumar. Vatnsberar eru nokkuð skuggþolnir, en þeir þrífast og blómstra betur í sól eða hálfskugga. Einu jarðvegskröfurnar eru að jarðvegurinn sé vel framræstur, en betra er að hann sé frekar frjór líka. Mér fannst vissara að bjóða svona fínni sort upp á bestu skilyrði svo hann lifi nú sem lengst.

gardaflora@gardaflora.is    I     © 2015-2019  Garðaflóra.

  • Facebook App Icon