May 31, 2018

Papaver naudicaule - Garðasól

0 comments

 

Garðasól, gengur oftast undir nafninu valmúi í daglegu tali. Hún vex sem slæðingur á nokkrum stöðum á Höfuðborgarsvæðinu, helst í sendnum, grýttum jarðvegi t.d. í vegköntum, m.a. meðfram Reykjanesbrautinni á milli Hafnarfjarðar og Garðabæjar. Hún blómstrar hvítum, gulum eða appelsínugulum blómum, sjaldan rauðum. Hún er yfirleitt einær en sáir sér mikið, svo það þarf að hafa gætur á henni. Best er að fjarlægja visin blóm áður en fræ þroskast, en þó þarf að leyfa nokkrum fræbelgjum að þroskast vilji maður halda henni í garðinum. Mér finnst hún fallegust þegar hún getur vaxið í breiðu þar sem allir litirnir blandast saman.

New Posts
  • Mjög fallegt afbrigði af garðavatnsbera með gulum blómum með löngum útsveigðum sporum. Hann hefur reynst mjög blómsæll og stendur lengi í blóma. Því miður hef ég ekkert yrkisnafn. Planta frá Möggu.
  • Þetta er sjálfsáður blendingur sem birtist í garðinum mínum, sem er greinilega afkomandi skógarvatnsbera afbrigðisins 'Magpie'. Blómliturinn er sá sami, en blómin eru stærri, jafn stór og á garðavatnsberum, svo hitt foreldrið er líklega af þeim meiði. Sporarnir eru innsveigðir eins og á skógarvatnsbera. Mér finnst þessi fallegri en frumgerðin og hann er jafn harðgerður og aðrir vatnsberar.
  • 'Crimson Star ' er fallegt garðaafbrigði með rauðum og kremhvítum blómum, með löngum sporum. Ég keypti þennan í pakka frá Costco 2018 og hann blómstraði í fyrsta sinn núna í sumar. Vatnsberar eru nokkuð skuggþolnir, en þeir þrífast og blómstra betur í sól eða hálfskugga. Einu jarðvegskröfurnar eru að jarðvegurinn sé vel framræstur, en betra er að hann sé frekar frjór líka. Mér fannst vissara að bjóða svona fínni sort upp á bestu skilyrði svo hann lifi nú sem lengst.

gardaflora@gardaflora.is    I     © 2015-2019  Garðaflóra.

  • Facebook App Icon