Jun 14, 2018

Penstemon rupicola 'Pink Dragon' - Rósagríma

2 comments

 

Rósagríma er mjög lík runnagrímu, en blómin eru bleikari. Hún þrífst álíka vel. Hún þarf sólríkan stað og mjög gott frárennsli. Þær fóru báðar svolítið illa í vetur, en eru að koma til. Þetta eru hálfrunnar, þ.e. neðsti hluti stönglanna er trénaður og vaxa ný lauf á þá að vori.

Jun 14, 2018

Mikið er rósagriman fallegt blóm/hálfrunni😍. Þýðir það ekki að neðstu leggirnir eiga að lifa af veturinn? Hefur þú sáð fyrir þessari plöntu Rannveig, og hvað verður hún stór um sig? Er spennt fyrir rósagrímunni og reyndar runnagrímu líka, hér í móanum er mjög gott frárennsli😄

Ég keypti þær báðar. Ég skal athuga hvort ég geti ekki tekið afleggjara handa þér. Guðrún fékk í fyrra. Lifðu þær ekki hjá þér Guðrún?

New Posts
  • Mjög fallegt afbrigði af garðavatnsbera með gulum blómum með löngum útsveigðum sporum. Hann hefur reynst mjög blómsæll og stendur lengi í blóma. Því miður hef ég ekkert yrkisnafn. Planta frá Möggu.
  • Þetta er sjálfsáður blendingur sem birtist í garðinum mínum, sem er greinilega afkomandi skógarvatnsbera afbrigðisins 'Magpie'. Blómliturinn er sá sami, en blómin eru stærri, jafn stór og á garðavatnsberum, svo hitt foreldrið er líklega af þeim meiði. Sporarnir eru innsveigðir eins og á skógarvatnsbera. Mér finnst þessi fallegri en frumgerðin og hann er jafn harðgerður og aðrir vatnsberar.
  • 'Crimson Star' er fallegt garðaafbrigði með rauðum og kremhvítum blómum, með löngum sporum. Ég keypti þennan í pakka frá Costco 2018 og hann blómstraði í fyrsta sinn núna í sumar. Vatnsberar eru nokkuð skuggþolnir, en þeir þrífast og blómstra betur í sól eða hálfskugga. Einu jarðvegskröfurnar eru að jarðvegurinn sé vel framræstur, en betra er að hann sé frekar frjór líka. Mér fannst vissara að bjóða svona fínni sort upp á bestu skilyrði svo hann lifi nú sem lengst.

gardaflora@gardaflora.is    I     © 2015-2019  Garðaflóra.

  • Facebook App Icon