Jun 14, 2018

Penstemon whippleanus - Kampagrima

5 comments

 

Kampagríma er um 30-40 cm á hæð með dökk purpurarauðum blómum. Hún þarf vel framræstan jarðveg og sól eins og flestar aðrar grímur. Hún drapst í geymslubeðinu eftir flutninginn, sennilega hefur skriðsóleyin kæft hana. Hún þreifst ljómandi vel í gamla garðinum þar sem hún sá til sólar.

Jun 16, 2018

Rannveig, ég á afleggjara frá þér sem þrífst ljómandi hjá mér. Ég skal gjarnan gefa þér afleggjara tilbaka! :)

Gott að sjá þig hér Þórunn! Gott að þú fannst okkur. 😀 Ég þigg það með þökkum. 😍

Jun 19, 2018

Já, það er gaman að skoða hérna líka :) Kampgríman frá þér þrífst vel fyrir framan birkið hjá mér og blómstrar svo fallega! Hún er búin að stofna lítið samfélag :)

Kampagríma er virkilega falleg, ætla að reyna að finna hana í gróðrarstöðvum :D

New Posts
  • Mjög fallegt afbrigði af garðavatnsbera með gulum blómum með löngum útsveigðum sporum. Hann hefur reynst mjög blómsæll og stendur lengi í blóma. Því miður hef ég ekkert yrkisnafn. Planta frá Möggu.
  • Þetta er sjálfsáður blendingur sem birtist í garðinum mínum, sem er greinilega afkomandi skógarvatnsbera afbrigðisins 'Magpie'. Blómliturinn er sá sami, en blómin eru stærri, jafn stór og á garðavatnsberum, svo hitt foreldrið er líklega af þeim meiði. Sporarnir eru innsveigðir eins og á skógarvatnsbera. Mér finnst þessi fallegri en frumgerðin og hann er jafn harðgerður og aðrir vatnsberar.
  • 'Crimson Star ' er fallegt garðaafbrigði með rauðum og kremhvítum blómum, með löngum sporum. Ég keypti þennan í pakka frá Costco 2018 og hann blómstraði í fyrsta sinn núna í sumar. Vatnsberar eru nokkuð skuggþolnir, en þeir þrífast og blómstra betur í sól eða hálfskugga. Einu jarðvegskröfurnar eru að jarðvegurinn sé vel framræstur, en betra er að hann sé frekar frjór líka. Mér fannst vissara að bjóða svona fínni sort upp á bestu skilyrði svo hann lifi nú sem lengst.

gardaflora@gardaflora.is    I     © 2015-2019  Garðaflóra.

  • Facebook App Icon